Fjallað er um rekstur og rekstrarumhverfi fyrirtækja, hugmyndafræði nýsköpunar, gerð viðskiptaáætlana. Unnin verða verkefni sem tengjast áhugasviði nemenda og nærumhverfi þeirra.
Nemandi skal hafa öðlast þekkingu og skilning á:
rekstrarumhverfi fyrirtækja
rekstrarformi fyrirtækja
ferli við að stofna lítið fyrirtæki
hugmyndafræði nýsköpunar
starfsmannamálum fyrirtækja
Nemandi skal hafa öðlast leikni í að:
búa til viðskiptaáætlanir
þróa nýsköpunarhugmynd
vinna sjálfstætt og agað
vinna í hópi
setja sér raunhæf markmið
Nemandi skal geta hagnýtt þá almennu þekkingu og leikni sem hann hefur aflað sér til að:
koma auga á tækifæri til nýsköpunar í sínu nærsamfélagi
beisla sköpunarkraft sinn svo úr verði afurð eða vara
Fjölbreytilegt námsmat með áherslu á símat, tíða endurgjöf og leiðsögn. Verkefnavinna með áherslu á nærumhverfi nemenda.