Aðstoð við stól, frágangur og sótthreinsun, móttaka, skráning
Samþykkt af skóla
2
10
FÁ
Áfanginn byggir á starfsþjálfun á aðgerðarstofu (klinik). Nemandi skal aðstoða við mismunandi verk sem fara fram við tannlæknastólinn. Þjálfað er í undibúningi fyrir komu þjónustuþega, móttöku þjónustuþega, skráningu á tannkort og tryggingaeyðublöð, aðstoð við tannlæknastólinn ásamt þjálfun í frágangi og sótthreinsun áhalda og efna eftir meðferðir.
Allt bóklegt nám tanntækna
Nemandi skal hafa öðlast þekkingu og skilning á:
skipulagi vinnudags á almennum tannlæknastofum
undirbúningi fyrir mismunandi aðgerðir
aðstoð við almennar tannlækningameðferðir
skráningu á upplýsingum og aðstoð við það
Nemandi skal hafa öðlast leikni í að:
undirbúa tannlæknastofu fyrir mismunandi aðgerðir við tannlæknastól svo sem forvarnaraðgerðir, skoðanir og greiningar, almenna tannfyllingu, rótfyllingar og tannvegsaðgerðir
meðhöndla efni og tæki sem notuð eru við mismunandi aðgerðir á tannlæknastofu
skrá á tannkort og tryggingaeyðublöð
aðstoða við mismunandi aðgerðir
ganga frá eftir aðgerðir
Nemandi skal geta hagnýtt þá almennu þekkingu og leikni sem hann hefur aflað sér til að:
bera ábyrgð á undirbúningi tannlæknastofu fyrir komu þjónustuþega
taka á móti þjónustuþega af fagmennsku á viðeigandi hátt
aðstoða af fagmennsku við mismunandi aðgerðir á tannlæknastofu
vera virkur þátttakandi við mismunandi aðgerðir í munni og hafa yfirsýn
stuðla að því að vinnuferlið gangi vel fyrir sig og sjá til þess að frágangur sé til fyrirmyndar
sótthreinsa og dauðhreinsa eftir því sem við á aðgerðarstofu fyrir og eftir aðgerðir
ganga frá og nýta þau efni og tæki sem notuð eru á sem bestan hátt
stuðla að heilbrigði og velferð þjónustuþega sem og starfsfólks á tannlæknastofu
geta nýtt sér þekkingu um aðstoð í raunhæfu umhverfi og geta sjálfur lagt gagnrýnið mat á hvað er vænlegt til árangurs