Farið yfir ýmsan rafeindabúnað í ökutækjum með áherslu á algeng hreyfilstjórnkerfi og önnur stjórnkerfi. Farið yfir gerð sannindatöflu og umreikning milli talnakerfa. Leit að upplýsingum um viðfangsefni áfangans og lestur viðgerðarbóka. Farið yfir notkun og meðferð mæli- og prófunartækja s.s. sveiflusjá og bilanagreina. Gerðar tilraunir og æfingar með rökrásarbúnað. Skoðun, prófun og greining á ástandi stýrikerfa.
Nemandi skal hafa öðlast þekkingu og skilning á:
ýmsum rafeindabúnaði í ökutækjum sem stjórnar vinnu hreyfla, gírkassa, fjöðrunar, öryggisbúnaðar, mælabúnaðar, þægindabúnaðar o.fl.
virkni samskiptabúnaðar í tölvukerfum bifreiða
Nemandi skal hafa öðlast leikni í að:
umbreyta tugatölum í tvítölur
nota mæli- og prófunartæki fyrir rafbúnað stýrikerfa
leiðbeina umráðamanni ökutækis varðandi umgengni við rafeindastýrð stjórn- og eftirlitskerfi
Nemandi skal geta hagnýtt þá almennu þekkingu og leikni sem hann hefur aflað sér til að:
lýsa sannindatöflum rökrása
umreikna á milli talnakerfa
leita upplýsinga um hvernig staðið skuli að bilanaleit
lýsa prófun og greiningu á ástandi hreyfla með rafeindastýrð stjórn- og eftirlitskerfi
Verklegt mat; nemandinn nefnir og lýsir gerð og virkni rafeindabúnaðar í ökutækjum. Nemandinn sýnir að hann getur notað viðeigandi prófunar- og mælitæki til skoðunar og prófunar rafeindastýrðra kerfa í ökutækjum
Skriflegt mat; nemandinn leysir próf um fræðilega þætti áfangans