Í áfanganum er lögð áhersla á að þjálfa nemendur í lestri á fjölbreyttu efni, svo sem afþreyingarefni, fagurbókmenntum, nytjatextum, rafrænu og myndrænu efni. Nemendur kynnast helstu grunnhugtökum um málnotkun og ritun og þjálfast í að koma skoðunum sínum, túlkun og úrvinnslu á ýmiskonar efni til skila á fjölbreyttan hátt
Hagnýt íslenska 1
Nemandi skal hafa öðlast þekkingu og skilning á:
ýmsum hugtökum í ritun
stafrænu læsi og miðlalæsi
ólíkum aðferðum við úrvinnslu efnis og upplýsinga
notkun mismunandi miðla við efnisgerð og þekkingarsköpun
helstu atriðum varðandi munnlega framsetningu efnis
Nemandi skal hafa öðlast leikni í að:
lestri fjölbreyttra texta
ýmiskonar ritun til dæmis blaða- og vefgreina, gagnrýni, lagatexta, handrita og smásagna
kynningu á eigin efni og annarra
Nemandi skal geta hagnýtt þá almennu þekkingu og leikni sem hann hefur aflað sér til að:
takast á við álitamál í ræðu og riti
velja sér viðfangsefni og aðferðir við úrvinnslu þess
túlka og meta ýmiskonar texta og myndmiðla og koma þeirri túlkun á framfæri á markvissan og skipulegan hátt
Kennari veitir nemendum reglulega endurgjöf á vinnuframlag þeirra og verkefnaskil, m.a. með einstaklingsviðtölum. Nemendur fá skýrar leiðbeiningar um verkefni sín og það sem betur má fara áður en kemur að lokaskilum. Nemendur skila verkefnum jafnt og þétt yfir önnina og safna þeim í vinnumöppu. Ekki er gert ráð fyrir lokaprófi í áfanganum. Námsmat getur farið fram með ólíkum hætti eftir þörfum einstaklinga.