Það kom upp villa senda inn  Áfangi

    Áfangi Nánari upplýsingar


    Búið til: 1369766502.85

    Þjóðhagfræði
    HAGF2ÞJ05
    1
    hagfræði
    þjóðhagfræði
    Samþykkt af skóla
    2
    5
    Í áfanganum eru grunnhugtök og meginviðfangsefni þjóðhagfræðinnar kynnt. Fjallað er um grunneiningar hagkerfisins og samspil þeirra í markaðsþjóðfélagi. Hringrás efnahagslífsins er útskýrð og fjallað um helstu hagstæðir þjóðarbúsins og tengsl þeirra. Meginþættir í efnahagsþróun eru teknir fyrir og hagræn vandamál skoðuð með dæmum úr íslensku efnahagslífi. Kynnt er margvísleg framsetning á hagfræðilegu efni. Nemendur fá þjálfun í að lesa úr línuritum og innsýn í notkun vísitalna, hlutfallareiknings og fleiri algengra aðferða við vinnslu á hagfræðilegum upplýsingum. Áhersla er lögð á að nemendur geti hagnýtt sér Netið til öflunar tölulegra upplýsinga. Nemendur vinna sjálfstæð verkefni sem tengjast efnahagsþróun á Íslandi í dag og taka þátt í umræðum sem tengjast hagfræði. Kennsluaðferðir miða að auknu sjálfstæði og ábyrgð nemenda á eigin námi.
    Engar
    Nemandi skal hafa öðlast þekkingu og skilning á:
    • hagfræði sem fræðigrein, meginviðfangsefnum hennar og grundvallarspurningum
    • mismunandi hagkerfum; innviðum hagkerfa og hlutverkum þeirra
    • lögmálum markaðarins, framboði og eftirspurn og meginþáttum verðmyndunar á markaði
    • helstu aðilum og launamyndun á vinnumarkaði, umsvifum hins opinbera í efnahagslífi
    • aðilum á peningamarkaði og hlutverki seðlabanka
    • utanríkisviðskiptum, kenningum um hlutfallslega yfirburði og algjöra yfirburði
    • gengi gjaldmiðla, nafngengi og tilhögun við skráningu á gengi íslensku krónunnar
    • vandamálum í efnahagslífinu; verðbólgu, atvinnuleysi og erlendum skuldum
    Nemandi skal hafa öðlast leikni í að:
    • nota framboðs- og eftirspurnarlínurit til að skoða þróun á markaði
    • reikna út þjóðhagstærðir á föstu verðlagi og hlutfallslegar breytingar á milli ára
    • reikna hagvöxt, þekki helstu ákvörðunarþætti og vanda við mat á hagvexti
    Nemandi skal geta hagnýtt þá almennu þekkingu og leikni sem hann hefur aflað sér til að:
    • leggja mat á upplýsingar um efnahagsmál
    • taka þátt í daglegri efnahagsumræðu út frá faglegu sjónarmiði
    • tengja undirstöðuþekkingu í þjóðhagfræði við þróun efnahagsmála
    • afla sér frekari þekkingar um hagfræði og geti nýtt upplýsingatækni og Netið við öflun upplýsinga og lausn verkefna sem tengjast hagfræðilegum viðfangsefnum.