Í áfanganum þjálfist nemendur í að átta sig á eigin áhugasviðum og styrkleikum. Nemendur taka áhugakönnun. Nemendur kynnist námi- og störfum í gegnum upplýsingaöflun og miðli til annarra nemenda. Nemendur kynnist þeim náms- og starfsmöguleikum sem þeim standa til boða. Nemendur fái þjálfun í notkun upplýsingaveita er snúa að náms- og starfsvali.
Nemandi skal hafa öðlast þekkingu og skilning á:
eigin áhugasviðum og styrkleikum
markmiðsetningu og ákvarðanatöku sem tengjast vali á námi og störfum
ýmsum leiðum í náms- og starfsvali
kynbundnu náms- og starfsvali
hefðbundnum og rafrænum upplýsingasíðum
margmiðlunartækni í náms- og starfsvali
Nemandi skal hafa öðlast leikni í að:
gera sér grein fyrir eigin áhugasviðum
skoða eigin markmiðsetningu og ákvarðanatöku út frá eigin áhugasviði
afla sér upplýsinga um námsframboð í framhaldsskóla og geta valið nám við hæfi
afla sér upplýsinga um störf í nærumhverfi
gera sér grein fyrir áhrifum kyns á vali á námi- og starfi
nota upplýsingatækni og hjálpargögn í leit að námi og starfi
Nemandi skal geta hagnýtt þá almennu þekkingu og leikni sem hann hefur aflað sér til að:
gera sér grein fyrir hvað þarf að skoða við markmiðsetningu og ákvarðanatöku
vera ábyrgur í náms- og starfsvali
þekkja möguleika til starfs í nærumhverfi
nýta sér upplýsingaveitur um nám- og störf á veraldarvefnum
Námsmat skal vera óhefðbundið s.s. leiðsagnarmat, sjálfs- og jafningjamat.