Undirbúningur og skipulag gönguferða, búnaður, kortalestur og rötun, nesti og næring á ferðalagi, veðrátta og veðurspár, fyrsta hjálp í óbyggðum, staðhættir og sagnir, náttúrufar (jarðfræði, plöntur, dýralíf og umhverfi), gildi útivistar fyrir heilsurækt og heilbrigðan lífsstíl.
Verklegar útiæfingar. Hálfs- og heilsdagsferðir. Helgarferðir. Útbúin og flutt kynning á sögu tiltekins svæðis eða náttúrufari á erlendu tungumáli. Log-bók og lokaskýrsla.
Ferðirnar geta verið farnar í samvinnu við ferðaþjónustuaðila eða áhugasamtök sem sérhæfa sig í gönguferðum á svæðinu, ss Ferðafélag Fljótdalshéraðs og Wild Boys.
Áfanginn er símatsáfangi sem byggist m.a. á þremur námsþáttum: mætingu í fyrirlestra tengda áfanganum og síðan í ferðina sjálfa, frammistöðu nemandans í vettvangsferðunum og skilum á ferðaskýrslu (loggbók). Ástundun, frammistöðu í verklegum æfingum og ferðum, ferðaskýrslu (log-bók) og erindum nemenda.
Áfanginn getur nýst sem undirbúningur að LOKA áfanga, þar sem nemendur gerðu verkefni sitt í tengslum við svæðið sem ferðast er um hverju sinni. Gæti tengst sögu (mannlíf á fyrri tíð) jarðfræði (jarðsaga svæðisins, stutt með myndum) tungumálum (ferðasagan á erlendri tungu).
10 einingar í náttúrufræði eða sambærilegum áföngum á náttúrufræðibraut.
Nemandi skal hafa öðlast þekkingu og skilning á:
gildi gönguferða sem heilsurækar og lífsstíls
mikilvægi góðs undirbúnings fyrir lengri og skemmri gönguferðir
búnaði og pökkun (í bakpoka)
skipulagningu ferða
þeim svæðum sem gönguferðirnar taka til (grunnþekking á veðráttu, staðháttum, landfræði, náttúrufari og sögu þeirra áfangastaða/leiða sem farið er um)
kortalestri og rötun með hjálp áttavita og GPS
nesti og næringu
gildi fyrstu hjálpar á ferðalagi
Nemandi skal hafa öðlast leikni í að:
kortalestri og rötun
skipuleggja skemmri og lengri ferðir
þekkja sögu og náttúrufar á völdum gönguleiðum. (saga og sagnir, gróður og dýralíf, jarðsaga)
áætla næringar- og nestisþörf á skemmri sem lengri ferðum
velja viðeigandi búnað og pakka í bakpoka
nota viðeigandi búnað á ferðalagi
miðla þekkingu til samferðafólks og samnemenda
Nemandi skal geta hagnýtt þá almennu þekkingu og leikni sem hann hefur aflað sér til að:
lesa kort og velja sér leiðir út frá því
skipuleggja skemmri sem lengri gönguferðir
meta og ákveða hvaða búnað þarf til ferðar
safna upplýsingum, taka myndir og gera leiðabók úr áfanganum sem kemur til námsmats
taka saman ítarlegan fróðleik um valda þætti valins göngusvæðis og miðla þeim fróðleik til samferðamanna á íslensku eða erlendu tungumáli
taka að sér aðstoðarfararstjórn í léttum gönguferðum
leiðbeina almennu ferðafólki um gönguleiðir á Austurlandi og aðstoða við skipulagningu og undirbúning skemmri gönguferða