Í áfanganum er unnið með grunnsnið út frá stöðluðum málum og þau notuð til að vinna flóknari sniðútfærslur í minni hlutföllum til yfirfærslu í stærri stærðir. Stærðarbreytingar (gradering) á sniðum eru kynntar. Flóknari saumtækniatriði eru unnin eftir vinnuleiðbeiningum bæði í máli og myndum. Lögð er áhersla á skipulagt vinnuferli og þjálfun í mátun sniða með saumi á prufuflíkum og leiðréttingu sniða eftir mátun. Kennd er sniðagerð fyrir teygjanleg efni og saumtækni á slíkum efnum. Kynnt er útfærsla á sniðum og saumur á undir- og sundfatnaði. Einnig er farið í gerð herra- og barnasniða. Búið er til snið af lífstykki og kenndur saumur og frágangur. Kennd er frjáls formun (drapering) sniða beint á gínu. Sérstök áhersla er lögð á vandvirkni við alla þætti áfangans.
FATA1ST05
Nemandi skal hafa öðlast þekkingu og skilning á:
uppbyggingu grunnsniða
útfærslu flókinna sniða út frá grunnsniðum í minni hlutföllum
yfirfærslu sniða frá minni hlutföllum í fulla stærð
mátun flíka eftir vaxtarlagi og leiðréttingu sniða samkvæmt því
vinnuteikningum og vinnulýsingum í máli og myndum
flóknari saumtækniatriðum með prufusaumi
uppbyggingu sniða fyrir teygjanleg efni
saumtækni við saum úr teygjanlegum efnum
sniðagerð, saum og mátun á lífstykki
möguleikum draperingar beint á gínu við útfærslu óhefðbundinna sniða
graderingu sniða í stærðir
vinnuferlinu við að hanna flíkur
verkskipulagi, vandvirkni og sjálfstæðum vinnubrögðum
gerð sniða fyrir herra- og barnafatnað
Nemandi skal hafa öðlast leikni í að:
teikna grunnsnið frá grunni í minni hlutföllum
útfæra flókin snið og nota til þess grunnsniðin
máta flíkur og leiðrétta sniðin eftir vaxtarlagi
lesa úr og vinna eftir vinnuteikningum í máli og myndum
sauma flóknari saumtækniatriði með prufusaumi
vinna snið fyrir teygjanleg efni og sauma úr teygjanlegum efnum
vinna snið af lífstykki og sauma
drapera óhefðbundin snið af flíkum beint á gínur
setja snið í stærri og minni stærðir (gradering)
gera vinnuferli hönnunar skil í vinnuskýrslum bæði í texta og vinnuteikningum
skipuleggja vinnuferli og vanda vinnubrögð
notfæra sér grunnsnið fyrir herrafatnað
Nemandi skal geta hagnýtt þá almennu þekkingu og leikni sem hann hefur aflað sér til að:
útfæra flóknari snið eftir eigin hugmyndum ...sem er metið með... verkefnum
færa breytingar yfir á sniðin sem fram koma við mátun á prufuflíkum ...sem er metið með... verkefnum
lesa úr og nota vinnuleiðbeiningar í máli og myndum ...sem er metið með... verkefnum
geta saumað flóknari saumtækniatriði ...sem er metið með... verkefnum
nota draperingu við útfærslu óhefðbundinna sniða ...sem er metið með... verkefnum
setja snið í nokkrar stærðir ...sem er metið með... verkefnum
skipuleggja vinnuferli við hönnun á flíkum ...sem er metið með... verkefnum
ganga frá verkefnum í ferilmöppu ...sem er metið með... verkefnum
vanda alla þætti ferilsins ...sem er metið með... verkefnum
Mat lagt á verklagni, áhuga og framfarir, metnað og vandvirkni við alla þætti vinnu ferlisins