Lögð er áhersla á mikilvægi hönnunar í efnis-, snið-, munstur- og litavali. Einnig er fata- og stílsagan höfð til viðmiðunar. Nemandi lærir að tengja máltöku við vaxtar- og stærðarval auk sniðbreytinga, ásamt því að kynnast fjölbreytni sniða og samræmingu milli vals á efni og sniðum. Megináhersla er lögð á útfærslu hugmynda yfir í sniðteikningu og prufuflík að fullunnu verki. Nemandi vinnur skissubók, útbýr vinnuskýrslu með útskýringum á vinnu sinni frá prufu að fullgerðum kjól. Lögð er áhersla á skapandi hugsun, frumkvæði og frumleika. Einnig eiga nemendur að sýna sjálfstæði í vinnubrögðum og þjálfa hæfni til að tjá sig og rökstyðja verkefni sín.
FATA2UY05
Nemandi skal hafa öðlast þekkingu og skilning á:
forsendum skapandi hugsunar í hönnun á fatnaði
forsendum hönnunar hvað varðar reynslu, notkun, sögu og hefðir
mikilvægi undirbúnings-, tilrauna- og rannsóknarvinnu með öflun og úrvinnslu upplýsinga
forsendum hugmyndavinnu, framkvæmdar og framvindu að fullunnu verki
mismunandi útfærslu sniða og muninum á fjöldaframleiddum og sérsaumuðum fatnaði
leiðbeiningum í máli og myndum varðandi sniðútfærslur og saumtækni
sambandinu milli sjálfstæðra, faglegra og skapandi vinnubragða og vinnuframlags
mikilvægi þess að koma vinnu sinni á framfæri og rýna í eigin verk og annarra
Nemandi skal hafa öðlast leikni í að:
vinna vandaða hugmyndavinnu með öflun og úrvinnslu upplýsinga
skilgreina forsendur og þörf og endurmeta hugmyndir sínar
temja sér frumkvæði, frumleika og skapandi hugsun
útfæra eigin hugmynd í formi tísku- og útlitsteikninga
útfæra sniðbreytingar út frá eigin hugmyndum
temja sér sjálfstæð og fagleg vinnubrögð
setja fram vinnuáætlun og greina verkþætti
auka færni í að máta og nota gínu við lagfæringu sniða
vinna með óhefðbundin efni og þekkja eiginleika þeirra
tileinka sér saumtækni og kunnáttu í straujun og pressun
að endurmeta framkvæmd verksins á öllu vinnuferlinu
temja sér öguð og vönduð vinnubrögð við frágang verkefna
útbúa (vinna) hugmynda- og vinnumöppu í máli og myndum
kynna eigin verk og taka þátt í sýningu
rýna í eigin verk og annarra með uppbyggilegri gagnrýni
Nemandi skal geta hagnýtt þá almennu þekkingu og leikni sem hann hefur aflað sér til að:
geta nýtt sér upplýsingatækni og aðra miðla við hugmyndavinnu ...sem er metið með... verkefnum og sýningu
vera fær um að taka sjálfstæða ákvörðun varðandi verkefnaval ...sem er metið með... verkefnum og sýningu
tileinka sér vinnuferlið frá hugmynd að fullgerðri flík ...sem er metið með... verkefnum og sýningu
kunna skil á forsendum hönnunar hvað varðar nýsköpun í formi tilrauna, rannsókna og úrvinnslu upplýsinga ...sem er metið með... verkefnum og sýningu
fylgja eftir skipulögðu vinnuferli miðað við tímaþátt, endurmat og framkvæmd verksins ...sem er metið með... verkefnum og sýningu
sýna frumkvæði, frumleika og skapandi hugsun ...sem er metið með... verkefnum og sýningu
koma vinnu sinni á framfæri í formi kynningar eða sýningar ...sem er metið með... verkefnum og sýningu
rýna í eigin verk og rökstyðja niðurstöður bæði munnlega og skriflega á uppbyggilegan hátt ...sem er metið með... verkefnum og sýningu
Við námsmat er lögð áhersla á frumleika og skapandi hugsun, frumkvæði, vönduð og sjálfstæð vinnubrögð. Lögð er áhersla á mat á úrvinnslu hugmynda, vinnuferli, framkvæmd og endurmat á vinnsluferlinu. Notkun á námsgögnun í upplýsingaleit og hugmyndavinnu, sniðagerð og saumtækni. Frágangur og skil á verkefnum jafnt í höndum sem og í tölvu. Þátttaka í sýningu og rýni í eigin verk og annarra.