Áfanganum er ætlað að ýta undir yndislestur nemenda. Nemandi velur í samráði við kennara sex skáldsögur til lestrar og gerir grein fyrir þeim á munnlegan eða skriflegan hátt. Tvær skáldsögur mega vera þýddar. Æskilegt er að nemandi leitist við að velja ólíkar tegundir skáldsagna. Heildarblaðsíðufjöldi bókanna má ekki vera undir 1000 bls.
ÍSLE3BÓ05(31)
Nemandi skal hafa öðlast þekkingu og skilning á:
nokkrum ólíkum tegundum skáldsagna
nokkrum íslenskum (og erlendum) skáldsagnahöfundum
bókmenntafræðilegum hugtökum sem notuð eru í umfjöllun um bókmenntir.
Nemandi skal hafa öðlast leikni í að:
lesa ólíkar tegundir skáldsagna
gera grein fyrir skáldsögum með aðstoð bókmenntafræðilegra hugtaka.
Nemandi skal geta hagnýtt þá almennu þekkingu og leikni sem hann hefur aflað sér til að:
lesa sér til gagns og ánægju
nýta sér bókmenntafræðileg hugtök til að dýpka skilning sinn á bókmenntaverkum.