Í áfanganum er stjórnmálafræðin kynnt sem fræðigrein. Lögð er áhersla á að nemendur öðlist skilning á algengustu hugtökum sem notuð eru í fræðigreininni og læri að greina helstu hugmyndastrauma stjórnmálanna. Helstu stjórnmálastefnur eru kynntar og greindar út frá „vinstri-hægri“ kvarðanum og lagt mat á þær út frá afstöðu þeirra til breytinga og gilda. Stefnt er að því að nemendur geti lagt gagnrýnið mat á átök í stjórnmálum og að þeir geti rökstutt slíkt mat. Loks er fjallað sérstaklega um íslensk stjórnmál og stjórnmálaflokka.
FÉLV2KA05(21)
Nemandi skal hafa öðlast þekkingu og skilning á:
helstu aðferðum og viðfangsefnum stjórnmálafræðinnar
helstu hugtökum stjórnmálafræðinnar, s.s. þjóðernisstefnu, stjórnkerfi, valdi, fullveldi, mannréttindum og lýðræði
helstu hugmyndakerfum stjórnmálanna, s.s. róttækni, frjálslyndi, íhaldsstefnu, afturhaldsstefnu, stjórnleysingjastefnu og femínisma
hvernig stjórnkerfum og stjórnmálastefnum er ætlað að leysa samfélagsleg viðfangsefni
íslenska stjórnkerfinu og þróun íslenskra stjórnmála.
Nemandi skal hafa öðlast leikni í að:
beita stjórnmálafræðilegum kenningum til að skoða samfélagsleg málefni
afla sér upplýsinga um stjórnmál, greina helstu atriði þeirra og hagnýta sér
fjalla um og bera saman kenningar
ræða um viðfangsefni stjórnmála.
Nemandi skal geta hagnýtt þá almennu þekkingu og leikni sem hann hefur aflað sér til að:
leggja sjálfstætt mat á stefnur og átakaefni í stjórnmálum ...sem er metið með... ýmiss konar verkefnum og/eða ritgerð
nota gagnrýna hugsun til að ræða um og mynda sér skoðanir á stjórnmálum ...sem er metið með... verkefnum/ritgerð/prófum
tjá sig skipulega og gagnrýnið um einstaka efnisþætti ...sem er metið með... verkefnum/ritgerð/prófum
beita öguðum vinnubrögðum, taka ábyrgð á eigin námi og vinna í samvinnu við aðra ...sem er metið með... ýmiss konar símatsverkefnum yfir önnina
taka virkan þátt í borgaralegu samfélagi ...sem er metið með... ýmiss konar verkefnum.
Í áfanganum er gert ráð fyrir leiðsagnarmati sem byggir á því að nemandinn fái með reglulegum og skipulegum hætti upplýsingar um hvernig hann stendur í náminu. Meðal námsmatsþátta eru ýmiss konar verkefni (bæði munnleg og skrifleg, einstaklings- og hópverkefni), ritgerð og próf.