Í áfanganum er fjallað um geðheilsu og geðræn vandamál. Farið er yfir sögulegan bakgrunn geðsálfræðinnar og fjallað um hvað í því felst að vera heilbrigður eða eðlilegur („normal“). Rætt er um almennt geðheilbrigði og geðrækt út frá sálfræðilegum kenningum og læknisfræðilegu líkani. Lögð er áhersla á að nemendur átti sig á samspili líkamlegra og andlegra þátta í tengslum við geðheilbrigði og þróun geðraskana. Fjallað er um mikilvægi forvarna og nýjustu rannsóknir í jákvæðri sálfræði fá ítarlega umfjöllun. Nemendur kynnast leiðum til að verjast streitu og taka á afleiðingum hennar. Einnig er fjallað um ýmsar geðraskanir og helstu meðferðarúrræði við þeim. Nemendur afla sér upplýsinga um geðheilsugæslu og þá meðferð sem í boði er á Íslandi. Megináhersla er lögð á að nemendur öðlist skilning á geðheilsu, geðrækt og eðli geðraskana og verði þannig betur í stakk búnir til að axla ábyrgð á eigin geðheilbrigði.
SÁLF2ÞS05(21)
Nemandi skal hafa öðlast þekkingu og skilning á:
ólíkum hugmyndum um andlegt heilbrigði
geðheilsu og geðröskunum
mismunandi nálgun sálfræðinnar á geðheilsu
helstu hugmyndum og kenningum geðsálfræðinnar
helstu hugmyndum innan jákvæðu sálfræðinnar
framlagi geðsálfræðinnar til sálfræði sem fræðigreinar og samfélagsins í heild.
Nemandi skal hafa öðlast leikni í að:
miðla sérhæfðri færni með því að beita almennum og sértækum vinnubrögðum, verkfærum og aðferðum
afla upplýsinga, greina þær og setja í fræðilegt samhengi
nýta fræðilegan texta á íslensku og ensku
miðla fræðilegu efni skýrt og skilmerkilega í ræðu og riti.
Nemandi skal geta hagnýtt þá almennu þekkingu og leikni sem hann hefur aflað sér til að:
taka þátt í rökræðum um málefni sem tengjast sálfræðinni ...sem er metið með... þátttöku í umræðum í kennslustundum
vinna úr rannsóknargögnum og leggja á þau mat ...sem er metið með... skýrslugerð og ítarlegri heimildasöfnun
sýna frumkvæði að raunhæfum lausnum ...sem er metið með... virknimati í áfanganum
beita skapandi hugsun við lausnamiðað nám ...sem er metið með... ýmiss konar verkefnum yfir önnina
meta eigin frammistöðu og annarra á gagnrýninn hátt ...sem er metið með... sjálfsmati og jafningjamati.
Í áfanganum er gert ráð fyrir leiðsagnarmati sem byggist á því að nemandinn fái með reglulegum og skipulegum hætti upplýsingar um hvernig hann er staddur í náminu. Meðal námsmatsþátta eru ýmiss konar verkefni (munnleg og skrifleg, einstaklings- og hópverkefni), umræður í kennslustundum og skýrslugerð. Hluti námsmats er í formi virknimats, jafningjamats og sjálfsmats.