Í áfanganum er fjallað um hlutareikning með breytiþáttum og ýmsa þætti vaxtareiknings. Unnið er með hagnýt dæmi úr faginu svo sem launaútreikninga, vinnuáætlanir, kostnaðarútreikninga, uppgjör á virðisaukaskatti og fleira. Fjallað er um verðmyndun vöru og útreikninga á útsöluverði. Nemendur fá þjálfun í notkun hlutareiknings og breytiþátta, t.d. þegar unnið er með uppskriftir.
Nemandi skal hafa öðlast þekkingu og skilning á:
mikilvægi verðlagningar, rýrnunar og nýtingar hráefnisins fyrir viðskiptavininn,
áhrifum rýrnunar og úrvinnslu hráefnis á rekstrarforsendur fyrirtækja og skilji mikilvægi þess að fyrirtækið geti hámarkað söluverð hverju sinni,
grundvallaratriðum verðmyndunnar og útreikninga þar að lútandi.
Nemandi skal hafa öðlast leikni í að:
umreikna magn í uppskriftum (stækka þær eða minnka) miðað við breytilegar forsendur viðskiptavina,
uppreikna kostnaðarverð á hráefni til lækkunar eða hækkunar í samræmi við magn þess,
nota töflureikni við gerð áætlana og við útreikninga og breytingar á uppskriftum,
kostnaðargreina uppskriftir með ólíkum hráefnum og mismunandi samsetningu hráefna.
Nemandi skal geta hagnýtt þá almennu þekkingu og leikni sem hann hefur aflað sér til að:
leiðbeina, ráðleggja og sannfæra viðskiptavin af fagþekkingu um hvaða hráefni henti hverju sinni með tilliti til rýrnunar,
ráðleggja og reikna út það magn sem hentar miðað við ólíkar þarfir viðskiptavina m.a. eftir fjölda þeirra, aldri og aðstæðum,
reikna út og áætla helstu þætti vörukostnaðar s.s. kostnaðarverð, álagningu, virðisaukaskatt og söluverð.
Fjögur 10% verkefni úr heftinu gilda sem 40% af lokaeinkunn. Eitt töflureiknisverkefni frá kennara á síðari hluta annar gildir 10% af lokaeinkunn. Áfanganum lýkur með 50% lokaprófi.