Í áfanganum er fjallað um helstu vélar og tæki sem notuð eru í matvöruverslunum, notkun þeirra og rétta hirðingu.
Nemandi skal hafa öðlast þekkingu og skilning á:
mikilvægi þessa að hirða vélar og tæki rétt og reglulega, í samræmi við leiðbeiningar framleiðanda eða vélasala,
fyrirbyggjandi aðgerðum til að varast slys, óhöpp og mengunaráhættu vegna rangrar notkunar véla og tækja, í samræmi við reglur og ábendingar Vinnueftirlits,
notkun þeirra véla og tækja sem notuð eru í matvælaverslunum.
Nemandi skal hafa öðlast leikni í að:
fylgja skriflegu áhættumati Vinnueftirlitsins, sem unnið hefur verið fyrir vinnustaðinn,
umgangast tæki, vélar og tól af þekkingu og alúð, í samræmi við leiðbeiningar framleiðanda eða vélasala.
Nemandi skal geta hagnýtt þá almennu þekkingu og leikni sem hann hefur aflað sér til að:
viðhafa og leiðbeina um rétt vinnubrögð við notkun tækja,
umgangast þann tækjakost sem notaður er í matvælaverslunum með fyrirbyggjandi hætti, s.s. með tilliti til mögulegrar bilunar, slysahættu og mengunarhættu, í samræmi við ráðleggingar framleiðanda eða vélasala þar um.