Í áfanganum er fjallað um sviðslistir út frá ólíkum sjónarhornum. Lögð er árhersla á að nemendahópurinn móti sýningu út frá skilgreindri hugmynd. Nemendur fá að kynnast mismunandi nálgun ólíkra sviðslistamanna s.s. leikskálda, leikstjóra, danshöfunda, gjörningalistamanna. Þá verður einnig leitast við að veita innsýn í vinnu annarra fagstétta s.s. búninga- og sviðsmynda-hönnuða, ljósa-og hljóðmanna, tónlistarstjóra, sýningarstjóra o.s.frv. Nemendur vinna að uppsetningu sviðslitaverks undir faglegri handleiðslu kennara og fagfólks innan sviðslista.
SVIÐ2LS05, SVIÐ2ÚT07 og SVIÐ2SY07
Nemandi skal hafa öðlast þekkingu og skilning á:
Þeim fjölmörgu verkum sem þarf að vinna í leikhúsi/sýningarrýmum í aðdraganda sýninga,
hvernig hægt er að hugsa leikverk út frá mismunandi sjónarhornum þeirra listamanna sem að uppsetningunni koma,
því ferli sem hefst með hugmyndavinnu í hóp og lýkur með skrifum á einföldu handriti,
mikilvægi þess að hafa yfirsýn yfir hið margþætta vinnuferli sem liggur að baki uppsetningu sviðsverks,
hvernig hugmyndavinna að sviðsmynd, búningum, lýsingu og hljóði fer fram og hvaða hlutverki þessir þættir gegna í sýningunni,
mikilvægi opins huga og viðhorfa til að viðhalda skapandi vinnuumhverfi.
Nemandi skal hafa öðlast leikni í að:
Setja saman einfaldan texta og útfæra hugmyndir sýnar út frá þeim ólíku listgreinum sem mætast í sviðslistum,
nota líkama, sviðsmynd, leikmuni, ljós og hljóð til að hafa áhrif á og „mynda pensilfar í rými”,
koma eigin hugmyndum á framfæri innan leikhóps og vinna þeim brautargengi,
beita tungumáli leikhússins og taka þátt í leikhúsumræðu.
Nemandi skal geta hagnýtt þá almennu þekkingu og leikni sem hann hefur aflað sér til að:
Taka þátt í samræðum á faglegum grundvelli um þau ólíku listform sem fram koma í ólíkum sviðslistaverkum,
vera virkur þáttakandi í hugmyndavinnu í stórum og litlum hópum,
rökstyðja listrænar ákvarðanir sínar,
beita fagmáli í samskiptum við fagfólk innan sviðslista,
vinna jöfnum höndum með þau ólíku listform sem notuð eru innan sviðslista,
geta upplifað, notið og greint hefðbundin og óhefðbundin sviðslistaverk útfrá innsýn sinni í listræna og hagnýta vinnu,
vinna í dýnamísku og síbreytilegu umhverfi skapandi starfs.
Gestakennarar gefa nemendum umsögn um framlag þeirra í vinnuferlinu og lokaverkefni áfangans. Þeir meta listrænt innsæi, hugmyndaríki, áræðni í útfærslum, samstarfshæfni og samviskusemi nemanda. Nemendur skila hugmyndabók um eigin upplifun af vinnuferlinu og meta eigið framlag. Í hugmyndabókinni er gerð grein fyrir öllum listrænum ákvörðunum varðandi uppbyggingu á leikverki, leikstjórn og hönnun búninga- og sviðsmyndar.