Saga sviðslista - Leiklistarsaga frá Grikkjum til 1900
SSVL1LG03
1
Saga sviðlista
Leiklistarsaga frá Grikkjum til 1900
Samþykkt af skóla
1
3
Fjallað verður um sögu leiklistar á vesturlöndum, frá Grikklandi til forna til raunsæisleikhúss um aldamótin 1900. Skoðað verður hvernig leiklist tekur á sig margvísleg og breytileg form á ólíkum tímum og hlutverk hennar og staða breytist í samhengi við menningu og samfélag hvers tíma. Staldrað er við trúarlega leiklist miðalda-, hirð- og alþýðuleiklist endurreisnarinnar, leikhús á tímum Shakespeares á Englandi, barokkleikhús, nýklassisma í Frakklandi og vöxt þjóðleikhúsa í Evrópu á nítjándu öld. Lögð er áhersla á að skoða stöðu leiklistar í samfélaginu og hlutverk hennar í menningarlegu samhengi.
Nemandi skal hafa öðlast þekkingu og skilning á:
Helstu þáttum í sögu leiklistar á vesturlöndum fram til upphafs tuttugustu aldar,
breytilegu hlutverki og fjölbreyttri stöðu leiklistar á mismunandi tímum,
áhrifum breytinga í samfélagi, stjórnafari og menningu á leiklist,
mikilvægi gagnrýninnar hugsunar í umfjöllun um leiklistarsögu.
Nemandi skal hafa öðlast leikni í að:
Nota viðurkenndar heimildir til að mynda sér rökstudda skoðun,
afla sér fjölbreyttra heimilda um viðfangsefnið,
nýta fræðilegt efni jafnt á íslensku sem erlendum tungumálum,
beita gagnrýninni hugsun í umræðum og umfjöllun um leiklistarsögu,
taka þátt í umræðum um sögu leiklistar og sviðslistir í eigin samfélagi.
Nemandi skal geta hagnýtt þá almennu þekkingu og leikni sem hann hefur aflað sér til að:
Mynda sér skoðun á ólíkum straumum og stefnum í sviðslistum,
tjá skoðanir sínar á rökstuddan hátt í ræðu og riti,
beita gagnrýnni hugsun á markvissan hátt í umfjöllun um leiklistarsögu,
vinna fræðilegt verkefni byggt á sjálfstæðri heimildavinnu.
Námsmat byggir á fjölbreyttum aðferðum við að vinna kynningarefni á niðurstöðum námsins í áfanganum s.s. með fyrirlestrum, greinargerðum, ferilmöppu, kynningarmyndböndum eða margmiðlunarefni. Matsaðferðir eru í formi jafningjamats, leiðsagnarmats og sjálfsmats.