Í áfanganum öðlast nemandinn aukinn skilning á styrkleikum sínum, veikleikum og takmörkunum, bæði þegar kemur að atvinnu og í daglegu lífi. Nemandinn fær dýpri innsýn í íslenska menntakerfið og það nám sem er í boði við skólann á sama tíma og hann kynnir sér nánar leiðir að hinum ýmsu störfum og starfsmöguleikum sem í boði eru á svæðinu. Þá þekkingu nýtir nemandinn síðan, undir handleiðslu kennara, í leit að vinnustaðanámi fyrir vorönnina. Farið verður í ferli atvinnuleitar, gerð ferilskrár og hvernig starfsviðtöl fara fram ásamt markmiðasetningu fyrir framtíðina.
engar
Nemandi skal hafa öðlast þekkingu og skilning á:
íslensku menntakerfi og þeim leiðum sem þar eru færar að ákveðnum markmiðum
helstu hugtökum, viðfangsefnum og orðfæri vinnumarkaðarins
grunngildum og siðferði sem ríkir á vinnumarkaði
þáttum sem móta atvinnulífið
mikilvægi mismunandi starfa/starfsgreina á svæðinu
Nemandi skal hafa öðlast leikni í að:
setja fram á skýran hátt og skapandi hátt efni og upplýsingar
nota internetið til upplýsingaleitar, uppbyggilegra samskipta og úrlausna verkefna af ýmsum toga
skoða ólíkt gildismat og viðhorf með tilliti til samhengis orsaka og afleiðinga
skipuleggja tíma sinn á raunhæfan hátt, hvort sem er gagnvart skóla, vinnu eða daglegu lífi
Nemandi skal geta hagnýtt þá almennu þekkingu og leikni sem hann hefur aflað sér til að:
auðga og þroska samskiptahæfni sína, bæði í persónulegum samskiptum og við formlegri aðstæður
bera virðingu fyrir sjálfum sér og öðrum og setja sig í spor annarra
taka þátt í lýðræðislegri samræðu og samstarfi
verða betur meðvitaður um sjálfan sig, áhugasvið sitt, styrkleika og veikleika
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.