Í áfanganum fær nemandinn almenna reynslu á a.m.k. einum vinnustað og tækifæri til að tileinka sér æskileg vinnubrögð og viðhorf til framtíðar. Nemandinn fær kynningu á vinnustaðnum og þeim vinnubrögðum sem ætlast er til að hann tileinki sér. Nemandinn fær leiðsögn frá leiðbeinanda (starfsfóstra) og í kjölfarið er hægt að fela nemandanum ákveðna verkþætti og hægt að ætlast til að hann leysi ákveðin verk úr hendi á eigin ábyrgð.
ATFR1VK05
Nemandi skal hafa öðlast þekkingu og skilning á:
vinnustaðnum og stjórnendum hans og vita hvert á að leita með álitamál eða til að fá aðstoð og leiðbeiningar
starfsskyldum sínum s.s. þagnarskyldu, reglum um mætingar, forföll frá vinnu, hlífðar- og öryggisatriði sem vinnan kallar á
þekkja starfsskyldur svo sem þagnarskyldu, reglur um mætingar, forföll frá vinnu, hlífðar- og öryggisatriði sem vinnan kallar á.
helstu hugtökum, viðfangsefnum og orðfæri vinnumarkaðarins
grunngildum og siðferði sem ríkir á vinnumarkaði
Nemandi skal hafa öðlast leikni í að:
ræða um aðalatriði í starfsemi og fyrirkomulagi vinnustaðarins
setja fram vinnuskýrslur eða önnur einföld gögn um vinnu sína á hverjum degi
nota viðurkennd vinnubrögð við ákveðin störf og sinna almennum (einföldum) verkum án stöðugrar leiðsagnar
taka leiðbeiningum um vinnubrögð og eiga greið samskipti við samstarfsfólk og stjórnendur
skipuleggja tíma sinn á raunhæfan hátt, hvort sem er gagnvart skóla, vinnu eða daglegu lífi
Nemandi skal geta hagnýtt þá almennu þekkingu og leikni sem hann hefur aflað sér til að:
skilja hlutverk sitt við ákveðin störf og nota orðaforða og hugtök sem starfinu fylgja
auðga og þroska samskiptahæfni sína, bæði í persónulegum samskiptum og við formlegri aðstæður
bera virðingu fyrir sjálfum sér og öðrum og setja sig í spor annarra
taka þátt í lýðræðislegri samræðu og samstarfi
verða betur meðvitaður um sjálfan sig, áhugasvið sitt, styrkleika og veikleika
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.