Í þessum áfanga er fyrst og fremst lögð áhersla á hratt yfirlit yfir Íslands- og mannkynssögu frá upphafi tíma og fram til loka árnýaldar (1750-1800).
Þar sem námsefnið er svo yfirgripsmikið hlýtur námið að verða afar inntaksmiðað og ekki gefst mikill tími til að líta á ólíkar túlkanir eða rýniaðferðir sagnfræðinnar. Af sömu ástæðu er enginn ritgerðarhluti. Tíma- og skilaverkefni gegna því hlutverki helst að festa námsefnið betur í minni nemenda.
Engar
Nemandi skal hafa öðlast þekkingu og skilning á:
sögu fornaldar allt frá forsögulegum tímum til loka Rómarveldis með sérstakri áherslu á afrek Forn-Grikkja
þróun vestræns samfélags á miðöldum
þjóðveldistíma á Íslandi og lok hans, sérstaklega stjórnskipan og stöðu Alþingis
umbyltingunni sem varð í Evrópu í upphafi nýaldar, með endurreisn, siðaskiptum og landafundum
þróun íslensks samfélags á árnýöld
einveldistímann í Evrópu og lok hans með upplýsingunni og frönsku stjórnarbyltingunni
helstu tímabilaskiptingum mannkyns- og Íslandssögunnar
Nemandi skal hafa öðlast leikni í að:
sjá tengsl fortíðar og nútíðar og samhengið milli tímabila, svæða og sviða
tileinka sér og beita hugtökum um fyrirbæri sögunnar og gera sér grein fyrir gagni þeirra og takmörkunum
lesa og túlka texta, kort, töflur, gröf og myndir frá mismunandi tímaskeiðum sögunnar
beita gagnrýninni hugsun
Nemandi skal geta hagnýtt þá almennu þekkingu og leikni sem hann hefur aflað sér til að:
koma söguþekkingu sinni og söguskilningi á framfæri með fjölbreyttum hætti ...sem er metið með... verkefnum, kynningu, prófum
geta tekið þátt í skoðanaskiptum og rökræðum með jafningjum um sagnfræðileg efni ...sem er metið með... kynningu, rökræðum
sýna umburðarlyndi og víðsýni gagnvart sögulegum viðfangsefnum ...sem er metið með... verkefnum, rökræðum, prófum
Leiðsagnarmiðað námsmat þar sem helstu matsþættir eru skilaverkefni, tímakannanir, kynning, rökræður og próf