Valáfangi í félagsfræði á starfsbraut þar sem áhersla er á samræðu, jákvæð samskipti og samstarf.
Náminu er ætlað bæta skilning á félagslegum fyrirbærum sem hafa áhrif á daglegt líf nemenda og auka hæfni þeirra í að fylgjast með og skilja fréttir. Fjölmiðlar, einkum dagblöð og netmiðlar, notaðir sem kveikjur, og upplýsingabrunnur. Áhersla á að auka færni nemenda í að tjá sig munnlega og skriflega, koma skoðunum sínum á framfæri, hlusta á aðra og taka þátt í samræðu og samstarfi.
Engar
Nemandi skal hafa öðlast þekkingu og skilning á:
hvernig fyrirbærið fjölmiðlill virkar
helstu dagblöðum og netmiðlum landsins
mikilvægi mynda og texta með þeim í fjölmiðlum
hvernig nálgast má fróðleik og fjölbreyttar upplýsingar í fjölmiðlum
hvernig fólk skiptist á skoðunum og ræðir mál í fjölmiðlum
mikilvægi jákvæðni sem undirstöðu góðra samskipta
Nemandi skal hafa öðlast leikni í að:
nýta dagblöð og netmiðla til að afla sér almenns fróðleiks
nýta dagblöð og netmiðla til að dýpka skilning á sérstökum hugðarefnum
setja fram skoðanir sínar og rökstyðja þær í samtali við aðra
bregðast við skoðunum annarra með málefnalegum hætti
sýna samhug og bæta andrúmsloft með jákvæðri framgöngu
Nemandi skal geta hagnýtt þá almennu þekkingu og leikni sem hann hefur aflað sér til að:
greina milli frétta, slúðurs og auglýsinga
leggja mat á trúverðugleika frásagna í fjölmiðlum
skrifa stuttar frásagnir um hugðarefni sín
tjá skoðanir sínar og bregðast málefnalega við skoðunum annarra
bæta samskipti með jákvæðum athugasemdum og hrósi
Símat fer fram alla önnina. Grunnur einkunna er úrlausn verkefna, bæði vikulegra verkefna og annarra verkefna, kynninga og umræðna í tímum.