Þar sem þetta er fyrsti sagnfræði áfangi nemenda á framhaldsskólastigi er höfuðáhersla lögð á að kynna nemendur fyrir sögu sem námsgrein og fræðigrein. Markvisst er unnið að því að kynna fyrir nemendum mismunandi tegundir heimilda og þjálfa þá í notkun þeirra og einfaldri framsetningu efnis. Lögð er áhersla á að sýna fram á hvernig sagan birtist nemendum í nútímanum.
Helstu efnisþættir áfangans verða:
Fornöldin og arfur hennar í dag: yfirlit yfir fyrstu samfélög manna, trúarbrögð þeirra og menningu, grísk menning, stjórnarhættir, goðaheimur, heimspeki listir og leiki og Rómaveldi, stjórnarhættir, goðaheimur, lýðveldistíminn og keisaratíminn.
Menningarheimur Miðalda: upphaf kristinnar Evrópu, Íslam og múslimar, Ísland á miðöldum og síðmiðaldir: Kreppa og plága
Ný Heimsmynd: siðaskiptin í Evrópu og á Íslandi, endurreisnin, landafundir og vísindabylting og Upplýsingin
Inngangur að félagsvísindum
Nemandi skal hafa öðlast þekkingu og skilning á:
mismunandi skeiðum mannkynssögunnar
ýmsum sviðum og hluttakendum sögunnar, menningu og hugarfari, hversdagslífi og stjórmálum, einstaklingi og samfélagi, tækni og vísindum
Nemandi skal hafa öðlast leikni í að:
afmarka söguleg málefni, greint meginþætti og álitamál, leitað eftir mismunandi sjónarhornum, lýst málinu og gefið álit sitt
leita samhengis og tengsla milli tímabila, svæða og sviða
í að nýta sér birtingarform sögunnar: kennslubækur, handbækur, fræðirit, myndefni og internetið
Nemandi skal geta hagnýtt þá almennu þekkingu og leikni sem hann hefur aflað sér til að:
sjá sögu Íslands í samhengi við sögu Norðurlanda, Evrópu og heimsins
gera sér grein fyrir gildi og afstæði sögulegrar frásagnar og skýringa
fá lifandi áhuga á fjölþættri sögu
Í áfanganum er viðhaft leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.