Áfanginn miðar að því að opna fyrir sköpunarkraft nemenda og gera þá óhrædda við að prófa, framkvæma og þróa hugmyndir sínar án þess að hræðast útkomuna. Áhersla er lögð á tilraunavinnu þar sem unnið er í og með ólík efni og miðla. Nemendur gera tilraunir með margvíslegan óhefðbundinn efnivið þar sem leitast verður við að finna óvæntar og skapandi leiðir til úrlausnar. Í áfanganum eiga nemendur að geta sýnt frumkvæði og skapandi nálgun í verkefnum sínum og beitt viðeigandi aðferðum við útfærslu verka. Kennslan er einstaklingsbundin og miðar að því að gera nemendur tilbúna til að takast á við fjölbreytt og krefjandi verkefni.
Inngangur að listum
Nemandi skal hafa öðlast þekkingu og skilning á:
að sköpun er hægt að vinna í hvaða miðli sem er
að hægt er að skapa raunveruleg verðmæti
konsept hugsun
vinnuumhverfi, vinnutækjum og áhöldum sinnar skapandi hugsunar
skapandi hugsun og hugflæði
hugmyndafræði sjálfbærrar þróunar
að miðla listsköpun sinni með því að tjá sig um hana og sýna
að þróa með sér aga, metnað, ábyrgð og jákvæðni í vinnubrögðum
að meta eigið vinnuframlag
Nemandi skal hafa öðlast leikni í að:
beita skapandi hugsun
sjá möguleika í skapandi hugsunar í mismunandi miðlum
tjá sig um eigin sköpun
beita mismunandi miðlunarleiðum í sköpun sinni
nýta sér hugarflæði í hugmyndavinnu
leysa úr viðfangsefnum einn eða í samstarfi við aðra
skiptast á skoðunum og setja fram hugmyndir sínar og bregðast við viðmælendum
Nemandi skal geta hagnýtt þá almennu þekkingu og leikni sem hann hefur aflað sér til að:
vera skapandi í hugsun
skapa með mismunandi miðla
vera meðvitaður um menningarlegt hlutverk listsköpunar
fullvinna hugmyndir undir leiðsögn kennara
tjá sig hiklaust um eigin sköpun við aðra viðmælendur
skapa eigin verk byggt á eigin listrænum styrk undir leiðsögn kennara
skilgreina eigin verk
standa að sýningu þar sem nemandinn miðlar verkum sínum
kynna eigin verk og geta brugðist við og tjáð skoðanir sínar um verk annara
tjá sig hiklaust og taka þátt í samræðum um myndlist við ólíka viðmælendur
leysa úr viðfangsefnum einn eða í samstarfi við aðra
þróa með sér aga, metnað, ábyrgð og jákvæðni í vinnubrögðum
meta eigið vinnuframlag
Í áfanganum er viðhaft leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.