Þetta er byrjunaráfangi, er megináhersla lögð á að nemendur tileinki sér undirstöðuatriði tungumálsins: Strax frá upphafi eru nemendur þjálfaðir í lesskilningi ásamt samskiptaþáttunum tali, hlustun og ritun. Áhersla er lögð á réttan framburð, uppbyggingu orðaforða og að þjálfa grunnatriði málfræðinnar. Menningu spænskumælandi landa er fléttað inn í kennsluna.
Námsefnið er þemaskipt og í þessum áfanga verður unnið með 4 þemu:
Presentarse
La familia y los amigos
Tiempo libre, ocio y los estudios
La rutina diaria
Engar
Nemandi skal hafa öðlast þekkingu og skilning á:
menningu þeirra landa þar sem spænska er töluð
almennum orðaforða og einföldum setningum
mál- og samskiptavenjum
grunnatriðum í spænskri málfræði
tungumálinu og útbreiðslu þess
Nemandi skal hafa öðlast leikni í að:
skilja almennt talað mál þegar talað er skýrt og greinilega
nota einfaldan orðaforða til að tjá sig um og lýsa sér sjálfum og sínu nánasta umhverfi
nota einfaldan orðaforða til að tjá sig um áhugamál og daglegar athafnir
nota einfaldan orðaforða til að segja frá fjölskyldu og vinum
nota tungumálið í einföldum samræðum
lesa texta um efni sem hann þekkir og tileinka sér ný orð í textanum
skrifa stuttan samfelldan texta um efni sem unnið hefur verið með
nota meginreglur í málfræði
koma auga á blæbrigði spænskumælandi menningar
Nemandi skal geta hagnýtt þá almennu þekkingu og leikni sem hann hefur aflað sér til að:
halda samtali gangandi og beita viðeigandi mál- og samskiptavenjum
skilja talað mál um kunnuglegt viðfangsefni m.a. úr útvarpi og sjónvarpi
lesa stuttar blaða- og tímaritsgreinar og geta dregið ályktanir af því sem hann les
skrifa texta bæði frá eigin brjósti og samantektir á tilteknu efni
geta borið saman eigin og framandi menningu
auka meðvitund um eigin leiðir til að tileinka sér tungumálið
Í áfanganum er leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.