Stefnt er að því að viðhalda og byggja ofan á þann grunn sem nemendur hafa þannig að þeir verði færir um að nýta kunnáttu sína við lausn stærðfræðilegra viðfangsefna daglegs lífs.
Lögð verður áhersla á að nemendur þjálfist í talnameðferð og talnaskilningi og læri að beita skipulögðum vinnubrögðum við úrlausn verkefna og nýti sér öll möguleg hjálpartæki svo sem síma, tölvur og reiknivélar.
Stærðfræði 2 á starfsbraut
Nemandi skal hafa öðlast þekkingu og skilning á:
grunn reikniaðgerðum
meðferð peninga
meðferð hjálpartækja (síma, tölvu, vasareiknis)
einföldum kaupum og verðútreikningum
metrakerfinu og samhenginu milli eininga í mælikvörðunum
flatarmáli ferhyrnings og þríhyrnings
einföldum prósentu reikningi
mynstri og speglun
tíma, tímabili og klukku
Nemandi skal hafa öðlast leikni í að:
grunn reikniaðgerðum (samlagningu, frádrætti, margföldun og deilingu)
meðferð peninga
meðferð hjálpartækja (síma, tölvu, vasareiknis)
lesa á verðmiða og gera verðsamanburð
leggja saman og draga frá verð á hlutum og finna út heildarkostnað og afgang
nota klukku og reikna tímabil
mæla fjarlægðir með málbandi, reglustiku og öðrum hjálpartækjum og skrá niðurstöður í viðeigandi mælikvarða
mæla þyngd hluta og skrá niðurstöður í viðeigandi mælikvarða
mæla/lesa á innihald umbúða og skrá niðurstöður í viðeigandi mælikvarða
lesa og skilja magn á umbúðum
reikna hluta miða við prósentu
teikna og spegla mynstur
reikna flatarmál
Nemandi skal geta hagnýtt þá almennu þekkingu og leikni sem hann hefur aflað sér til að:
tileinka sér ábyrgð á eigin fjármálum og átti sig á að tekjur og gjöld verða að standast á
temja sér að skipuleggja innkaup, fjármál og tíma ...sem er metið með... umræðum og verkefnum
nýta þau hjálpartæki sem bjóðast við stærðfræði daglegs lífs
þroska tímaskyn sitt
þekkja nauðsyn og mikilvægi stundvísi í leik og starfi
skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt
takast á við stærðfræðileg verkefni með opnum og jákvæðum huga og vera tilbúin að nýta hin ýmsu hjálpartæki sem í boði eru.
Í áfanganum er viðhaft leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.