Í áfanganum er lögð áhersla á að auka markvisst orðaforða nemenda og þjálfa lestrarfærni með því að lesa ýmiskonar rit, eyðublöð og gögn sem nemendur koma til með að nota í nánustu framtíð. Lögð verður áhersla á munnlega tjáningu þar sem nemendur taka þátt í málefnalegum umræðum, tjá afstöðu sína til umræðuefna og komast að niðurstöðu. Unnið verður áfram með ritun ýmiskonar texta og reynt að virkja ímyndunarafl nemenda með sögu- og ævintýragerð af ýmsu tagi.
Nemandi skal hafa öðlast þekkingu og skilning á:
orðfæri sem notað er t.d. í atvinnuumsóknum, skattaskýrslu, leiðbeiningum ýmiskonar o.fl.
mikilvægi lestrar
mikilvægi þess að geta tjáð sig skýrt og gera grein fyrir skoðunum sínum
ritun mismunandi texta
Nemandi skal hafa öðlast leikni í að:
meðferð máls með auknum orðaforða og málskilningi
að lesa mismunandi texta sér til gagns
að tjá skoðanir sínar og geta rökrætt
ritun mismunandi texta við sitt hæfi
Nemandi skal geta hagnýtt þá almennu þekkingu og leikni sem hann hefur aflað sér til að:
lesa sér til gagns ýmsa texta, leiðbeiningar og eyðublöð
lesa sér til dægrastyttingar
tjá skoðanir sínar og geta komist að niðurstöðu í rökræðum ...sem er metið með... frammistöðu í kennslustundum
virkja ímyndunarafl sitt og getað rita einfalda texta og sögur ...sem er metið með... skriflegum verkefnum
Í áfanganum er viðhaft leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.