Inngangur að listum með megináherslu á myndlist og listljósmyndun þar sem nemendur skoða eigin reynslu af listgreinunum og auka þekkingu sína á því hvað þær ganga út á. Nemendur skoða einnig tengsl tónlistar við hinar greinarnar og prufa að skapa út frá tónlist að eigin vali. Listamenn þessara listgreina eru skoðaðir og nemendur spreyta sig á sköpun eftir því sem við á. Áfanginn miðar einnig að því að opna fyrir sköpunarkraft nemenda og gera þá óhrædda við að prófa, framkvæma og þróa hugmyndir sínar án þess að hræðast útkomuna. Áhersla er lögð á að nemendur auki orðaforða sinn á sviði menningar og lista og geti tjáð skoðanir sínar og rökstutt.
Engar
Nemandi skal hafa öðlast þekkingu og skilning á:
grunnþáttum listgreina
orðaforða til að geta tjáð sig um list, listamenn og listviðburði
sjálfstæðum vinnubrögðum og hugsun út frá hugmynd (konsept)
vinnuumhverfi,vinnutækjum og áhöldum viðkomandi listgreinar
hugmynd (konsept) eða tilgangi listaverka
að setja listir í menningarlegt og sögulegt
mismunandi nálgun listamanna við listsköpun
að miðla listsköpun með því að tjá sig um hana og sýna
að þróa með sér aga, metnað, ábyrgð og jákvæðni í vinnubrögðum
að meta eigið vinnuframlag
Nemandi skal hafa öðlast leikni í að:
beita skapandi hugsun
skoða listaverk og fjalla um megininntak þeirra á skapandi hátt
efla skilning sinn á listrænni vinnu, að upplifa, skynja og túlka það sem hann sér, upplifir
taka þátt í samræðum um listgreinarnar, færa rök fyrir máli sínu og virða skoðanir annarra
beita mismunandi miðlunarleiðum í listsköpun sinni
skoða ólíkar hugmyndir listamanna bak við listaverk og ræða um þær á skapandi hátt
skoða hvar list er í umhverfinu og fjalla um það
leysa úr viðfangsefnum einn eða í samstarfi við aðra
skiptast á skoðunum og setja fram hugmyndir sínar og bregðast við viðmælendum
Nemandi skal geta hagnýtt þá almennu þekkingu og leikni sem hann hefur aflað sér til að:
vera skapandi í hugsun
tjá skoðanir sínar og tilfinningar um list, listamenn og listviðburði
horfa á myndlist eða ljósmyndalist með opnum hug
vera meðvitaður um menningarlegt hlutverk listsköpunar
vera leitandi og sýni nokkurt sjálfstæði við það að fullvinna hugmyndir undir leiðsögn kennara
tjá sig um eigin verk við aðra viðmælendur með almennri ígrundun og samanburði
að skapa eign verk byggt á eigin listrænum styrk undir leiðsögn kennara
skilgreina eigin verk
standa að sýningu/tónleikum þar sem nemandinn miðlar listrænum styrk sínum
leysa úr viðfangsefnum einn eða í samstarfi við aðra
þróa með sér aga, metnað, ábyrgð og jákvæðni í vinnubrögðum
meta eigið vinnuframlag
Í áfanganum er viðhaft símat alla önnina og lögð er áhersla á vinnusemi, sköpun og áræði.
Öll verkefni gilda til einkunnar og þess vegna er það mikilvægt að nemendur stundi námið reglulega.