Nemendur fást við útreikninga og stærðfræðileg hugtök sem notuð eru í daglegu lífi. Þeir læra að reikna ýmis dæmi tengd innkaupum og kostnaði við rekstur heimilis. Verkefnin hafa beina skírskotun til margvíslegra þjónustustarfa. Í þeim eru notuð hugtök reiknifræði og stærðfræði, s.s. tölur og talnafræði, reikniaðgerðir, hlutföll, prósentur, tölfræði, mælikvarðar, flatarmál og rúmmál. Kennd verður notkun töflureiknis við lausn dæma.
• Námsmarkmið grunnskóla.
• Nemandi skal hafa færni í aðferðum og verklagi stærðfræðinnar, þ.e. kunna meðferð talna og tölulegra gagna, skilja stærðfræðilegan texta, geta notað skipulagðar aðferðir við leit að lausnum, hafa vald á einfaldri röksemdafærslu og geta notað tölvur og reiknivélar við lausnir dæma.
• Nemandi geti unnið með tölur í töflureikni.
Nemandi skal hafa öðlast þekkingu og skilning á:
talnakerfinu, reikniaðgerðum, hlutföllum, prósentum, vaxtareikningi og tölfræði í gegnum áhorf, lestur, hlustun, umræðu eða önnur samskipti.
töflureikni og öðrum notkunarmöguleikum tölvutækninnar við framsetningu og úrvinnslu tölulegra gagna.
mælikvörðum og grunnreglum um flatarmál og rúmmál.
Nemandi skal hafa öðlast leikni í að:
greina almenna þekkingu sína í stærðfræði þannig að hann beiti viðeigandi aðferðum við lausnir.
miðla almennri þekkingu sinni með mismunandi aðferðum, skriflega, munnlega eða verklega.
nota táknmál og orðaforða stærðfræðinnar til að miðla þekkingu sinni.
tengja saman almenn stærðfræðileg hugtök og myndrænt efni og geta greint og hagnýtt upplýsingar sem birtast í fjölmiðlum þar sem stærðfræði kemur við sögu hvort sem það er skrifað, talað, myndrænt eða stafrænt.
beita reiknivél af öryggi.
Nemandi skal geta hagnýtt þá almennu þekkingu og leikni sem hann hefur aflað sér til að:
beita viðeigandi aðferðum við lausnir sem metið er í ferilmöppu nemanda.
miðla almennri þekkingu sinni með mismunandi aðferðum, skriflega, munnlega (geta kynnt niðurstöður sínar fyrir öðrum nemendum og kennara) eða verklega sem metið er við kynningu verkefna og í hópvinnu og skráð skv. viðmiðunartöflu.
nota táknmál og orðaforða stærðfræðinnar til að miðla þekkingu sinni sem metið er í hópstarfi skv. marklista.
tengja saman almenn stærðfræðileg hugtök og myndrænt efni og greina og hagnýta upplýsingar sem birtast í fjölmiðlum þar sem stærðfræði kemur við sögu hvort sem þær eru skriflegar, munnlegar, myndrænar eða stafrænar. Þessi þáttur er metinn í skýrslugerð og hópvinnuskilum skv. viðmiðunartöflu.
beita reiknivél af öryggi sem metið er með skriflegum prófum.
beita innsæi og skapandi hugsun í leit að úrlausnum sem metið er í vinnuferlum í ferilmöppu skv. marklista.
Annars vegar eru nám og námsþættir metnir sem ferli og hins vegar sem afurð. Nemandinn sjálfur og verk hans eru metin á meðan á náminu stendur og einnig afraksturinn og verkin sem hann skilar frá sér. Um er að ræða einstaklings- og hópverkefni. Mikil áhersla er lögð á vinnusemi og verkefnavinnu í ferilmöppu nemandans. Notaðar eru fjölbreytilegar námsmatsaðferðir sem byggjast m.a. á gátlistum (checklist), marklistum (rating scale) og einfaldri og víðtækri viðmiðunartöflu (rubric). Við úrlausn á prófverkefnum eru leyfð öll hjálpargögn.