Fjallað er um helstu hjúkrunarkenningar og tengsl þeirra við starfsvettvang. Fjallað er um hjúkrunarferli og faglega hjúkrunarskráningu. Fjallað er um hjúkrun sjúklinga með bráða- og langvinna sjúkdóma sem tengjast eftirtöldum kerfum: hjarta- og æðakerfi, öndunarkerfi, meltingarkerfi, þvag- og kynkerfum. Fjallað er um hjúkrun sjúklinga með illkynja sjúkdóma. Í áfanganum er lögð áhersla á tengingu fræðilegrar þekkingar við skipulagningu og framkvæmd hjúkrunar.
HJÚK1AG05 og HJVG1VG05
Nemandi skal hafa öðlast þekkingu og skilning á:
helstu hjúkrunarkenningum og tengslum þeirra við starfsvettvang
mikilvægi hjúkrunarskráningar
áhrifum bráðs og langvinns heilsubrests á sjálfsmynd og líðan skjólstæðinga
hjúkrun sjúklinga með sjúkdóma í hjarta- og æðakerfi, öndunarkerfi, meltingarkerfi, þvagkerfi og kynkerfi
helstu einkennum illkynja sjúkdóma í þeim líffærakerfum sem fjallað er um í lýsingu
undirbúningi og eftirmeðferð vegna rannsókna og skurðaðgerða
þverfaglegri teymisvinnu í meðferð skjólstæðinga
Nemandi skal hafa öðlast leikni í að:
sýna skjólstæðingi og aðstandendum stuðning og umhyggju
greina á milli mismunandi hjúkrunarþarfa langveikra, bráðveikra og mikið veikra
útskýra áhrif bráðs og langvinns heilsubrests á sjálfsmynd og líðan skjólstæðinga
vinna eftir viðurkenndri hjúkrunarskráningu
velja milli ólíkra vinnubragða við smitgát eftir eðli sjúkdómsástands
leiðbeina skjólstæðingum með athafnir daglegs lífs með tilliti til áhrifa sjúkdómsástands á sjálfsumönnun og heilsu
undirbúa og annast um skjólstæðinga fyrir og eftir rannsóknir og aðgerðir sem tengjast ofangreindum sjúkdómum
útskýra algengar aukaverkanir meðferðar vegna illkynja sjúkdóma
Nemandi skal geta hagnýtt þá almennu þekkingu og leikni sem hann hefur aflað sér til að:
meta hjúkrunarþarfir langveikra, bráðveikra og mikið veikra
meta áhrif bráðs og langvinns heilsubrests á sjálfsmynd og líðan skjólstæðinga
beita viðeigandi hjúkrunarmeðferð fyrir og eftir aðgerðir og rannsóknir sem tengjast ofangreindum sjúkdómum
beita ólíkum vinnubrögðum við smitgát eftir eðli sjúkdómsástands
leiðbeina skjólstæðingum með athafnir daglegs lífs með tilliti til áhrifa sjúkdómsástands á sjálfsbjargargetu og heilsu
veita sjúklingum með alvarlega sjúkdóma og aðstandendum faglega umhyggju og stuðning
bregðast við algengum aukaverkunum meðferðar vegna illkynja sjúkdóma