Áfanginn fjallar um þroskaferil manneskjunnar helstu hugtök og álitamál. Sérstaklega er tekinn fyrir þroski líkamans, tilfinninga, félagslegra samskipta og hugsunar. Áhersla er lögð á þroska sjálfsmyndarinnar og hvernig hún mótast með aldrinum. Einnig verður vikið að þroskahömlunum og þær skoðaðar út frá líffræðilegu og sálfræðilegu sjónarhorni. Nemendur átti sig á áhrifum erfða og umhverfis á sálarlífið. Mótunaráhrif fjölskyldu og vina verða skoðuð og komið inn á vandamál barna og unglinga (t.d. geðræn, tilfinningaleg, líkamleg, náms- eða hegðunarvandamál). Viðfangsefnin geta verið breytileg og mótast af áhuga nemenda.
Engar
Nemandi skal hafa öðlast þekkingu og skilning á:
þeim breytingum sem eiga sér stað frá getnaði til grafar.
sínu eigin þroskaferli.
rannsóknaraðferðum þroskasálfræðinnar.
mismunandi þroskasviðum mannsins.
áhrifaþáttum þroskans.
mikilvægi andlegrar og líkamlegrar heilsu.
helstu geðröskunum barna og unglinga.
þeim aðferðum sem notaðar eru til öðlast skilning á þroska fólks.
framlagi þroskasálfræðinnar til sálfræðinnar og samfélagsins.
helstu hugtökum og kenningum þroskasálfræðinnar.
framlagi þroskasálfræðinnar innan sálfræðinnar og til samfélagsins.
Nemandi skal hafa öðlast leikni í að:
greina helstu breytingar sem verða á þroskanum yfir æviskeiðið.
nýta sér þekkingu á sálarlífi sínu til að setja sér markmið í lífinu og auka skilning á öðru fólki.
miðla til annarra þekkingu sinni á þroskasviðum mannsins.
afla sér heimilda um viðfangsefni þroskasálfræðinnar.
miðla sérhæfðri færni með því að beita almennum og sértækum vinnubrögðum, verkfærum og aðferðum.
afla upplýsinga, greina þær og setja í fræðilegt samhengi.
beita þeim aðferðum sem notaðar eru til að skilja þroska fólks.
Nemandi skal geta hagnýtt þá almennu þekkingu og leikni sem hann hefur aflað sér til að:
gera sér grein fyrir mótunaráhrifum umhverfis og erfða á sjálfan sig og aðra sem metið er með sjálfsrýni, jafningjamati og umræðum.
nota upplýsingaöflun á hagnýtan hátt í því að leysa verkefni sem metið er á grundvelli kynningar og framsetningar á gögnum sem nemandinn skilar af sér.
þekkja og skilja aðferðir í rannsóknum á mismunandi þroskasviðum sem metið er með rökstuddri notkun hans á grunnhugtökum og kenningum.
taka gagnrýna afstöðu til álitamála innan þroskasálfræðinnar sem metið er með persónulegri ígrundun nemenda eftir hvern verkþátt.
finna raunhæfar lausnir á viðfangsefnum sem metið er með umfjöllun nemanda um efnið.
meta eigið vinnuframlag og annarra í verkefnavinnu sem metið er með jafningjamati og persónulegri ígrundun nemanda í lok vinnu við tiltekinn verkþátt.
þekkja og greina helstu geðraskanir barna- og unglinga sem metið er með leiðsagnarmati.
vinna úr rannsóknargögnum og leggja á þau mat. Metið með kynningu á verkefni.
beita skapandi hugsun við lausnarmiðað nám sem metið er með sjálfsrýni.
meta eigin frammistöðu og annarra á gagnrýninn hátt sem metið er með persónulegri ígrundun eftir hvern verkþátt.
taka þátt í rökræðum um málefni sem tengjast þroskasálfræðinni. M.a. er metið frumkvæði nemenda að gerð eigin verkskipulags í einstökum þáttum námsins.