Í áfanganum kynnast nemendur hugtökum tengdum hreyfimyndagerð. Ýmsar æfingar og verkefni eru lögð fyrir til að útskýra hvernig augun virka. Nemendur fá innsýn í þann hugbúnað sem notaður er við gerð hreyfimynda og æfa sig við gerð stuttra mynda.
Nemandi skal hafa öðlast þekkingu og skilning á:
hugtökum tengdum hreyfimyndagerð t.d. fjöldi ramma á sekúndu, skrársnið, lykilrammar
hvernig augun virka við hreyfimyndagerð
hugbúnaði sem notaður er við gerð hreyfimynda
mismunandi tegundum hreyfimynda
Nemandi skal hafa öðlast leikni í að:
tjá sig á skýran, ábyrgan og skapandi hátt um hreyfimyndagerð
skipuleggja vinnuferli við undirbúning hreyfimyndar eftir eigin hugmyndum
sýna frumkvæði og sjálfstæði í vinnubrögðum
taka þátt í umræðum um hreyfimyndagerð
Nemandi skal geta hagnýtt þá almennu þekkingu og leikni sem hann hefur aflað sér til að:
tjá skoðanir sínar á hreyfimyndagerð
skapa skýra sjálfsmynd og gerir sér grein fyrir nýjum tækifærum
búa til stutta hreyfimynd
geta metið eigin þekkingu og leikni ásamt því aða gera sér grein fyrir hvernig frekara nám eflir hæfni og eykur möguleika
vinna á skapandi hátt við listiðkun sína
vera virkur og ábyrgur borgari í lýðræðislegu samfélagi og innan samfélags greinarinnar og listarinnar
Í áfanganum er viðhaft leiðsagnarmat með símati, nemendur þurfa að standast mætingarkröfur áfangans.