Í áfanganum er lögð áhersla á undirstöðuatriði í danskri málfræði og stafsetningu. Farið ítarlega yfir reglur um danskan framburð. Markvisst er unnið að því að auka orðaforða nemenda og þjálfa þá í að nota málið til að tjá sig, bæði munnlega og skriflega. Unnið að því að auka lesskilning nemenda með lestri á fjölbreyttum textum. Nemendur eru þjálfaðir í að setja sér raunhæf markmið, sýna frumkvæði og vinna sjálfstætt.
Nemandi skal hafa öðlast þekkingu og skilning á:
grundvallarþáttum málkerfisins
almennum orðaforða sem hæfir hæfniviðmiðum þrepsins
mannlífi, menningu og siðum í Danmörku
mismunandi formi ritaðs texta.
Nemandi skal hafa öðlast leikni í að:
skilja almennt talað mál þegar talað er skýrt og greinilega
lesa texta um efni sem hann þekkir og tileinka sér ný orð í textanum
tjá sig um efni sem hann þekkir eða hefur undirbúið og beitt framburði og málvenjum á sem réttastan hátt
skrifað stuttan samfelldan texta um efni sem unnið hefur verið með
fara eftir þeim meginreglum sem gilda um ritað mál
nýta sér hjálpargögn.
Nemandi skal geta hagnýtt þá almennu þekkingu og leikni sem hann hefur aflað sér til að:
halda samtali gangandi og beita viðeigandi mál- og samskiptavenjum
miðla efni sem hann hefur aflað sér þekkingar á
skilja talað mál um kunnuglegt viðfangsefni m.a. úr útvarpi og sjónvarpi
lesa stuttar blaða- og tímaritsgreinar og geta dregið ályktanir af því sem hann les
skrifa texta bæði frá eigin brjósti og samantektir á tilteknu efni
auka meðvitund um eigin leiðir til að tileinka sér tungumálið.
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.