Listsköpun - listform, stefnur, hugtök og menning
Áfanginn miðar að því að skoða listgreinar út frá ólíkum sjónarhornum. Nemendur fá innsýn í helstu stílbrigði listarsögunnar frá Impressjónisma – (1863-1905) til póstmódernisma. Rýnt verður í listfomin þrjú: sjónlist, leiklist og tónlist. Umræður og vangaveltur verða um áhrif stjórnmála, átaka, tækni, tísku, félags- og menningarleg samhengi á stílbrigði og tímabil.
Nemendur vinna verk út frá stíltegund og stefnu þess tímabils sem fjallað er um.
Áhersla er lögð á tilraunavinnu þar sem unnið er í og með ólík efni og miðla. Nemendur nota skissubók og leitast við að finna óvæntar og skapandi leiðir til úrlausnar verka sinna.
Í þessum áfanga koma nemendur til með að vinna bæði inni í skólastofunni og úti í náttúrunni auk þess að fara í vettfangsferðir á sýningar, söfn og leiksýningu.
Engar.
Nemandi skal hafa öðlast þekkingu og skilning á:
Skapandi lausnaleit í gegnum tilraunavinnu
Fjölbreytileika efna og aðferða til sköpunar
Að sjá fleiri og opnari möguleika í vinnuferlinu
Sjálfum sér, hugsun og verklagi
Hvernig menning og listir tengjast atvinnusköpun og samfélagsþróun
Gildi menningararfsins, hvort sem hann snýr að heimabyggð eða heiminum öllum
Nemendinn skal tileinka sér gagnrýna og skapandi lausnarhugsun og þar með öðlast færni í að miðla eigin hugmyndum og skoðunum. Hann skal leita út fyrir þægindarammann í tilraunavinnu sinni og þar með öðlast óheftara frelsi til sköpunar og tjáningar.
Nemandi skal hafa öðlast leikni í að:
Virkja hugmyndaflugið og þar með sköpunarkraftinn
Geta tjáð sig á ólíkan hátt með sköpun í gegnum ýmsa miðla
Geta notið lista og skapandi starfs á margvíslegu formi
Geta skipst á skoðunum og átt uppbyggileg samskipti við annað fólk
Efnisnotkun og úrvinnslu á fjölbreytilegan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
Tileinka sér skapandi lausnarhugsun sem hann getur nýtt bæði í leik og starfi
Geta sýnt frumkvæði og skapandi hugsun
Geta greint ný tækifæri í umhverfinu
Geta notað fjölbreyttar aðferðir við að leysa viðfangsefni
Horfa á sköpun, myndlist og hönnun með opnum hug
Ætlast er til þess að nemandinn verði læsari á menningu samtímans og þá möguleika sem í boði eru.
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.