Áfanginn er bóklegur og fer fram formi umræðna og tímaverkefna. Kennt er einu sinni í viku í 50 mínútur í senn.
Lýðheilsa (bóklegt):
Forvarnir eru vaxandi og mikilvægur þáttur í samfélagi okkar nú til dags.
Heilbrigður lífsstíll er sá áhrifaþáttur sem sem við höfum mest áhrif á sem einstaklingar, til að auka heilsutengd lífsgæði okkar.
Farið verður í 1. stigs forvarnir sem tengjast hreyfingu, næringu, umhverfinu, áfengi, reykingum,fíkniefnum, hreinlæti, tannheilsu, kynsjúkdómum og getnaðarvörnum þ.e fræðsla og nýting hennar til að koma í veg fyrir heilbrigðisvandamál í framtíðinni.
Lögð verður áhersla á að auka heilsulæsi, en það eru hæfileikar sem ráða því hversu vel nemanda gengur að nálgast upplýsingar og nýta sér þær til að efla og viðhalda góðri heilsu.
Nemandi skal hafa öðlast þekkingu og skilning á:
hvað felst í hugtökunum forvarnir og heilbrigði
hversu mikilvæg góð heilsa er fyrir framtíðina
hvað reglubundin hreyfing er góð forvörn fyrir ýmsa langvinna sjúkdóma
helstu flokkum næringarefna
mikilvægi þess að velja hollt mataræði framyfir óhollt
skaðsemi reykinga, áfengis og vímuefna á líkamlega, andlega og félagslega heilsu
hvernig umhverfið og nærsamfélagið hefur áhrif á lífsgæði fólks.
Nemandi skal hafa öðlast leikni í að:
að lesa innihaldslýsingar á matarumbúðum
að nýta sér heimasíður, bæklinga og rannsóknir til þess að viðhalda og/eða bæta eigin heilsu.
Nemandi skal geta hagnýtt þá almennu þekkingu og leikni sem hann hefur aflað sér til að:
nýta heilsulæsi sitt til að nálgast upplýsingar og nýta sér þær til að efla og viðhalda góðri heilsu.
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.