Áfanginn er fyrir þá sem ekki hafa náð lágmarkseinkunn í stærðfræði við lok grunnskóla.
Farið verður yfir:
Tölur, stæður, 1. stigs jöfnur, algebru, rúmfræði og hnit. Notkun forritsins GeoGebra við lausn stærðfræðilegra verkefna.
Nemandi skal hafa öðlast þekkingu og skilning á:
talnameðferð, almennum brotum og tugabrotum, frumtölum og deilanleika
prósentu, hlutfalla og vaxtarreikningi
undirstöðureglum talna- og bókstafareiknings og 1. stigs jöfnum með einni óþekktri stærð, forgangsröð aðgerða og heiltöluveldi
flatarmáli og rúmmáli algengra forma
jöfnu beinnar línu og hnitarúmfræði í tvívíðum fleti
framsetningu gagna á myndrænu formi.
Nemandi skal hafa öðlast leikni í að:
beita helstu aðgerðum á heilar tölur og nota víxlreglu, tengireglu og dreifireglu í talnareikningi
breyta milli tugabrota og almennra brot og deilanleika með lágum tölum
beita veldareglum
setja fram svör með viðeigandi nákvæmni
reikna prósentur, finna hlutföll milli stærða og reikna vexti
forgangsraða aðgerðum, nota sviga og heiltöluveldi í algebru, og leysa jöfnur með einni óþekktri stærð
beita formúlum og jöfnum við að reikna rúmmál
vinna með jöfnu beinnar línu, finna hallatölu og skurðpunkta við ása hnitakerfis
tjá sig munnlega og skriflega á stærðfræðilegan hátt.
Nemandi skal geta hagnýtt þá almennu þekkingu og leikni sem hann hefur aflað sér til að:
skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt
átta sig á tengslum ólíkra aðferða við framsetningu stærðfræðilegra hugmynda og viðfangsefna
skilja merkingu og tengsl hugtaka í námsefninu og vinna með þau
geta fylgt og skilið röksemdir og röksamhengi í mæltu máli og texta
beita skipulegum aðferðum við að leysa úr viðfangsefnum og þrautum, s. s. út frá þekkingu á lausnum svipaðra þrauta, unnið til baka frá þekktum stærðum eða með því að setja upp jöfnur
takast á við stærðfræðileg verkefni með opnum og jákvæðum huga.
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.