Í áfanganum munu nemendur skoða hin ýmsu viðfangsefni tengd vitundinni og siðblindu. Nemendur eiga að kynna sér rannsóknir og heimildir um svefn og svefnraskanir, drauma, dáleiðslu, hugleiðslu, fyrirbærið„deja vu“ og áhrif fíkniefna á heilann og hugarstarfsemina. Farið verður í ýmsar kenningar í sálfræði og vandkvæði sem tengjast vitundarhugtakinu.
Fjallað verður um siðblindu í áfanganum og farið verður rækilega í skilgreiningu hugtaksins. Tekin verða fyrir álitaefni og rannsóknir í tengslum við birtingamyndir siðblindu í samfélaginu, umfjöllun í fjölmiðlum, greiningu og meðferðarúrræði.
Í áfanganum eiga nemendur að fá tækifæri til að dýpka þekkingu sína á því áhugasviði sem rúmast innan efni áfangans. Leitast verður eftir að nemendur fari sjálfstæða leið í vinnulagi og verkefnaskilum. Umræður og virk þátttaka er stór hluti af kennslunni og er því lögð mikil áhersla á að nemendur séu virkir í tímum.
SÁLF2IS05_8 (SÁL2A05)
Nemandi skal hafa öðlast þekkingu og skilning á:
kenningum og rannsóknum um siðblindu og vitundina
skilgreiningum og ákveðnum vandkvæðum þeim tengdum
áhrifum fíkniefna á vitundastarf
vísindalegum og samfélagslegum gildum rannsókna á þessu sviði
þeim orðaforða sem nauðsynlegur er til frekara náms í greininni
völdum rannsóknum sem framkvæmdar hafa verið á sviðinu
nauðsyn faglegrar og fræðilegrar umræðu
Nemandi skal hafa öðlast leikni í að:
velja milli ólíkra aðferða við lausn verkefna
taka virkan þátt í umræðum og færa rök máli sínu til stuðnings
beita gagnrýninni hugsun
greina vísindalegar niðurstöður frá algengum rökvillum og bábiljum
greina og skýra frá aðalatriðum í fræðilegum texta
ræða og greina siðferðileg álitamál
skrifa fræðilegan texta
vinna sjálfstæða og skapandi rannsókn
Nemandi skal geta hagnýtt þá almennu þekkingu og leikni sem hann hefur aflað sér til að:
beita lausnamiðuðum og skapandi aðferðum við lausn verkefna
nálgast viðfangsefnið út frá ólíkum sjónarhornum
leita fullnægjandi raka fyrir skoðunum sínum og annarra
lesa heimildir og rannsóknargögn á gagnrýninn hátt
beita því verklagi sem hæfir rannsókn eða lausn verkefna og álitaefna hverju sinni
setja fram rökstuddar spurningar/tilgátur um viðfangsefni
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.