Það kom upp villa senda inn  Áfangi

    Áfangi Nánari upplýsingar


    Búið til: 1408633666.92

    Vísindaleg vinnubrögð og náttúrufræðigreinar
    NÁTT2GR05
    3
    náttúrufræði
    grunnáfangi í náttúrufræði
    Samþykkt af skóla
    2
    5
    Í þessum byrjunaráfanga er lögð áhersla á að nemendur kynnist náttúruvísindum á fjölbreyttan hátt. Í áfanganum er lögð áhersla á líffræði (vistfræði), efnafræði, umhverfisvísindi og landafræði (kortalestur). Í áfanganum er kynnt sú aðferðarfræði sem er sameiginleg náttúru- og raunvísindum. Í áfanganum verða eftirfarandi efnisþættir kynntir: eðli vísinda, helstu skref vísindalegra aðferða, SI-einingakerfið, mælinákvæmni og markverðir stafir, vistfræði, flokkun lífvera, lífverur í vistkerfi, hringrás kolefnis, framvinda vistkerfa, lífverur á Íslandi, efnafræði, atómið og frumefni, lotukerfið, efnatengi og efnahvörf, landafræði, notkun staðfræði- og þemakorta, mælikvarði landakorta, umhverfisvísindi, orsakir loftslagsbreytinga, afleiðingar loftslagsbreytinga á Íslandi. Lögð er áhersla á að nemendur tengi þá þekkingu sem þeir öðlast í efnafræði, líffræði og landafræði við náttúru Íslands, umhverfi sitt og daglegt líf.
    Nemandi skal hafa öðlast þekkingu og skilning á:
    • rannsóknaraðferðum í náttúru- og raunvísindum
    • helstu ferlum vistkerfa
    • uppbyggingu atóms
    • uppbyggingu lotukerfisins
    • muninum á staðfræðikortum og þemakortum
    Nemandi skal hafa öðlast leikni í að:
    • framkvæma verklegar æfingar og vinna úr þeim
    • skrifa skýrslur í tengslum við verklegar æfingar
    • búa til myndrit, m.a. línurit, og nota myndritin til að draga ályktanir
    • teikna upp fæðuvef og skilgreina flutning orku og efnis innan fæðuvefsins
    • lesa efnajöfnur og stilla þær
    • aðgreina efni í frumefni, efnasambönd og efnablöndur
    • nota lotukerfi
    • nýta sér mælikvarða landakorta til að reikna út vegalengdir og flatarmál
    • nýta sér hæðarlínur landakorta til að átta sig á hæðarmun einstakra staða á landakorti.
    Nemandi skal geta hagnýtt þá almennu þekkingu og leikni sem hann hefur aflað sér til að:
    • sýna sjálfstæði í vinnubrögðum og bera ábyrgð á eigin námsframvindu
    • vinna í hóp til þess að auka skilning á fyrirbærum náttúru- og raunvísinda
    • tengja þekkingu sína á kolefnishringrás við gróðurhúsaáhrif og loftslagsbreytingar
    • tengja þekkingu sína í efnafræði, líffræði og jarðvísindum við umhverfi sitt og náttúru Íslands.
    Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.