Það kom upp villa senda inn  Áfangi

    Áfangi Nánari upplýsingar


    Búið til: 1409062707.83

    Föll og ferlar
    STÆR2FF05
    30
    stærðfræði
    Föll og ferlar
    Samþykkt af skóla
    2
    5
    Helstu efnisatriði eru: talnareikningur, forgangsröð reikniaðgerða, algebra, breytistærðir, forskriftir, hnitarúmfræði, ferlar, gildistöflur, liðun, þáttun, jöfnur, jöfnuhneppi, línur, skurðpunktar, fleygbogar, annars stigs jöfnur, margliður, veldareglur, ferningsrót, staðalform, núllstöðvar og geogebra.
    Nemandi skal hafa öðlast þekkingu og skilning á:
    • forgangsröð reikniaðgerða
    • frumtölum og frumþáttun
    • einföldum reglum um veldi og rætur
    • staðalformi
    • notkun tákna fyrir breytistærðir
    • einföldun, liðun og þáttun algebrustæða
    • jöfnum af fyrsta og öðru stigi og einföldum jöfnuhneppum
    • hnitakerfinu
    • eiginleikum beinnar línu og fleygboga
    • fallhugtakinu
    • forskrift, gildistöflu og ferli falla
    Nemandi skal hafa öðlast leikni í að:
    • nota reiknireglur til þess að reikna gildi ýmissa stæða
    • stytta brot og einfalda stæður með veldum og rótum
    • setja fram algebrureglur sem almennar jöfnur
    • leysa fyrsta og annars stigs jöfnur sem og jöfnuhneppi
    • Nota reglur sem eru settar fram sem almennar algebrustæður eða jöfnur
    • teikna ferla ýmissa falla eftir gildistöflum
    • teikna og lýsa ýmsum eiginleikum lína og fleygboga
    • lýsa sambandi tveggja breyta á myndrænan hátt
    • lýsa raunverulegum fyrirbrigðum með notkun falla
    • nýta forritið Geogebra og önnur tæki til að hjálpa til við dæmalausnir og skýringu á stærðfræðilegum fyrirbærum
    Nemandi skal geta hagnýtt þá almennu þekkingu og leikni sem hann hefur aflað sér til að:
    • skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt
    • átta sig á tengslum ólíkra aðferða við framsetningu stærðfræðilegra hugmynda og viðfangsefna
    • geta fylgt og skilið röksemdir og röksamhengi í mæltu máli og texta
    • beita skipulegum aðferðum við að leysa úr viðfangsefnum og þrautum, s. s. út frá þekkingu á lausnum svipaðra þrauta, unnið til baka frá þekktum stærðum eða með því að setja upp jöfnur
    • takast á við stærðfræðileg verkefni með opnum og jákvæðum huga.
    • skilja merkingu og tengsl hugtaka í námsefninu og vinna með þau
    Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.