Verkefnavinna áfangans gengur út á að efla hæfni nemenda í að vinna með sjálfstæðum hætti verkefnum sínum sem og að taka þátt í umræðum í tímum um þau viðfangsefni sem eru til umfjöllunar hverju sinni. Jafnframt er markmiðið að efla ábyrgðartilfinningu nemenda gagnvart sjálfum sér, námi sínu og umhverfi.
Í áfanganum vinna nemendur með ýmis ljóð og textabrot eftir helstu skáld 20. aldarinnar – eða allt fram til um 1980. Samhliða því lesa nemendur fræðitexta um helstu skáldin sem og strauma og stefnur í bókmenntum 20. aldarinnar og setja hann í samhengi við þau skáldverk sem unnið er með í áfanganum. Þá lesa nemendur eina af helstu skáldsögum 20. aldarinnar.
Bókmenntir og læsi: Miðað er að því að efla læsi nemenda á fjölbreytta texta, hvort sem um er að ræða vinnu við ljóð, textabrot, fræðitexta eða stóra skáldsögu.
Ritun: Lögð er áhersla á fjölbreytta verkefnavinnu þar sem nemendur vinna jafnt hefðbundin ritunarverkefni sem og skapandi verkefni. Einnig efla nemendur hæfni sína við að byggja upp á rannsóknarritgerð á sjálfstæðan og faglegan hátt.
Í vinnu með efni áfangans er unnið markvisst með eftirfarandi grunnþætti: læsi, jafnrétti og sköpun. Læsi er sá grunnþáttur sem mest reynir á í vinnu með bókmenntir almennt og er grundvöllur fyrir því að ná árangri í áfanganum. Þá eru ljóð og textabrot nýtt til þess að varpa ljósi á grunnþáttinn jafnrétti. Einnig eru ýmis verkefni þar sem nemendur efla hæfni sína í að vinna skapandi verkefni.
ÍSLE2ED05
Nemandi skal hafa öðlast þekkingu og skilning á:
ritgerðarsmíð og heimildarvinnu
helstu einkennum íslensks máls sem nýtast í ræðu og riti, sem og til náms í erlendum tungum
orðaforða sem nægir til að lesa helstu verk íslenskrar bókmenntasögu
mismunandi tegundum bókmennta og nytjatexta, stefnum í íslenskum bókmenntum að fornu og nýju og öllum helstu bókmenntahugtökum.
Nemandi skal hafa öðlast leikni í að:
ritun heimildaritgerða þar sem hann beitir gagnrýninni hugsun við úrvinnslu og kemur efninu á framfæri á skýran og greinargóðan hátt á blæbrigðaríku máli
frágangi heimildaritgerða og hvers kyns texta og að nýta sér uppbyggilega gagnrýni annarra til betrumbóta
flytja af öryggi og sannfæringarkrafti vel upp byggða ræðu eða ítarlega kynningu á flóknu efni
lesa allar gerðir ritaðs máls að fornu og nýju sér til gagns og gamans, skilja lykilhugtök og greina mismunandi sjónarmið.
skilja og nota viðeigandi málsnið, stílbrögð, orðatiltæki og menningarlegar vísanir í tal- og ritmáli
Nemandi skal geta hagnýtt þá almennu þekkingu og leikni sem hann hefur aflað sér til að:
skrifa skýran, vel uppbyggðan og grípandi texta og geta valið ritstíl eftir aðstæðum og viðtakendum
beita málinu á viðeigandi og árangursríkan hátt við mismunandi aðstæður í ræðu og riti
tjá rökstudda afstöðu við ýmsar kringumstæður, útskýra sjónarmið og taka virkan þátt í málefnalegum umræðum til að komast að vel ígrundaðri niðurstöðu
draga saman aðalatriði, beita gagnrýninni hugsun við lestur, túlkun og úrvinnslu krefjandi texta, átta sig á samfélagslegum skírskotunum og ná duldum boðskap og hugmyndum
sýna þroskaða siðferðisvitundi, víðsýni, sköpunarhæfni og samlíðan í málflutningi sínum, umfjöllun og verkun.
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.