Í þessum áfanga er farið yfir eiginleika hleðslu rafeinda og róteinda, straum, spennu og viðnám í rafrásum. Einnig er farið í afstæðiskenningu Einsteins og heimsfræði. Áhersla verður á skilning nemandans á efninu og að auka áhuga á viðfangsefninu.
EÐLI2KA05
Nemandi skal hafa öðlast þekkingu og skilning á:
Hleðslu atóma og agna
Straumi, spennu og viðnámi í rafrásum
Muni á einangrara og leiðara
Heimsfræði
Afstæðiskenningu Einsteins
Nemandi skal hafa öðlast leikni í að:
Reikna straum, spennu og viðnám í rafrás
Reikna hleðslu agna
Reikna út breytingu á tíma og lengd út frá afstæðiskenningunni
Nemandi skal geta hagnýtt þá almennu þekkingu og leikni sem hann hefur aflað sér til að:
Sýna sjálfstæði og frumkvæði í vinnubrögðum
Bera ábyrgð á eigin námsframvindu
Vinna í hóp til þess að leysa raunveruleg vandamál með eðlisfræði
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.