Í áfanganum kynnast nemendur stjörnufræði og fá í gegnum hana innsýn í hvernig fleiri greinar náttúruvísinda tengjast saman, eins og eðlisfræði, efnafræði, jarðfræði, heimsfræði og jafnvel líffræði að ákveðnu marki. Þá er lögð áhersla á að nemendur kynnist sögu náttúruvísinda og geti nefnt og sagt frá helstu fræðimönnum sviðsins og uppgötvunum þeirra.
STÆR2FF05 (STÆ2A05)
Nemandi skal hafa öðlast þekkingu og skilning á:
tilurð og tilgangi stjörnumerkja ,
helstu fyrirbærum í sólkerfinu okkar,
lífi og dauða sólstjörnu,
helstu uppgötvunum stjörnufræðinnar,
stærð alheimsins.
Nemandi skal hafa öðlast leikni í að:
að afla sér upplýsinga um stjörnufræði og stjörnuskoðun
umræðum um stjarnfræðileg fyrirbæri,
að nota stjarnfræðilegar mælieinginar,
lestri og túlkun H-R línuritsins.
Nemandi skal geta hagnýtt þá almennu þekkingu og leikni sem hann hefur aflað sér til að:
gera grein fyrir stærðum og fjarlægðum stjarnfræðilegra hluta,
átta sig á árstíð, tíma dags eða kvartílaskiptingu tungls út frá afstöðu jarðar, sólar og tungls,
finna ákveðin fyrirbæri himinhvolfsins út frá stjörnumerkjum,
lýsa æviskeiði sólstjörnu með tilvísunum í H-S línurit,
lýsa aðferðum sem er beitt til stjarnfræðilegra uppgötvana.
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.