Í þessum áfanga verður stiklað á stóru í þróun lífs á jörðinni. Skoðaðar verða helstu fylkingar lífvera, einkenni þeirra og skyldleiki. Flokkunarkerfi lífvera er skoðað og nemendur kynnast helstu hugtökum í líffræði. Nemendur vinna í sameiningu tölvugert kort sem sýnir þróun og tengsl lífvera á jörðinni í 3500 miljón ár. Lokaverkefni áfangans verður nákvæm skoðun hvers nemenda eða hóps á ákveðinni tegund lífvera. Lokaafurðin er svo sett í sameiginlegt lokaverkefni áfangans.
NÁTT2GR05 (NÁT2A05)
Nemandi skal hafa öðlast þekkingu og skilning á:
hugtökum sem tengjast líffræði og þróunarfræði
skilyrðum sem stuðluðu að upphafi lífs á jörðinni
flokkunarkerfum lífvera á jörðinni
einkennum helstu fylkinga lífvera með áherslu á plöntur og dýr
grunngerðum æxlunar
drifkrafti þróunar við framrás lífs og fjölbreytileika þess
skyldleika tegunda og aðferðum við að meta hann
Nemandi skal hafa öðlast leikni í að:
lesa líffræðilegar upplýsingar úr máli og myndum
vinna sjálfstætt að líffræðilegum verkefnum
vinna með líffræðileg hugtök á íslensku og ensku
velja úr safni heimilda og nýta þær til að koma eigin texta til skila á skilmerkilegan hátt
lesa í og ræða sambönd og tengsl viðfangsefna innan greinarinnar
Nemandi skal geta hagnýtt þá almennu þekkingu og leikni sem hann hefur aflað sér til að:
sýna sjálfstæði við að miðla niðurstöðum úr verkefnum
geta tengt saman efnisþætti við úrslausn viðfangsefna
greina, hagnýta og meta upplýsingar í töluðu eða rituðu máli, myndrænt eða í töflum
nýta hópavinnu til að leysa flóknari viðfangsefni
sýna sjálfstæði í vinnubrögðum
skiptast á skoðunum við aðra um lausnir og útskýra hugmyndir sínar og verk skilmerkilega í mæltu máli og myndrænt
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.