Í áfanganum er verið að hvetja nemendur til aukinnar hreyfingar, að hugsa um umhverfi sitt og skilja bílinn eftir heima. Áfanginn er verklegur og gefst nemendum kostur á að fá það metið til eininga að koma gangandi/hjólandi í skólann. Nemendur þurfa í lok annar að sýna fram á 100 km í göngu eða 300 km hjólaferðir.
Engar forkröfur
Nemandi skal hafa öðlast þekkingu og skilning á:
hversu mikilvæg góð heilsa er fyrir framtíðina
hvað reglubundin hreyfing er góð forvörn fyrir ýmsa andlega og líkamlega sjúkdóma
mikilvægi þess að nota göngu/hjól til að koma sér á milli staða
Nemandi skal hafa öðlast leikni í að:
auka úthald sitt, styrk og liðleika með fjölbreyttum aðferðum sem henta hverjum og einum.
nýta snjalltækni til að kortleggja ferðir sínar
Nemandi skal geta hagnýtt þá almennu þekkingu og leikni sem hann hefur aflað sér til að:
nýta heilsulæsi sitt til að nálgast upplýsingar og nýta sér þær til að efla og viðhalda góðri heilsu.
viðhalda og/eða bæta líkamlega heilsu.
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf