Ný menntastefna er höfð til grundvallar og grunnþættir menntunar eru hafðir að leiðarljósi. Áhersla er á læsi í víðu samhengi og miðast vinnuferlið við að efla færni og sjálfsmynd nemenda til að takast á við lífið. Leitast er við að styrkja nemendur til að verða gagnrýnir, virkir þátttakendur í jafnréttis- og lýðræðissamfélagi. Verkefni og æfingar tengjast samskiptum, kynlífi, sjálfsmynd og framtíðarsýn.
Engar
Nemandi skal hafa öðlast þekkingu og skilning á:
Hugtakinu læsi í víðu samhengi
Mikilvægi tjáningar og hlustunar
Ýmsum aldurs- og áhugamiðuðum hugtökum
Mismunandi tjáskiptaleiðum
Tilfinningum sínum og skilja orð og hugtök sem þeim tengjast
Styrkleikum sínum
Nemandi skal hafa öðlast leikni í að:
Nýta sér upplýsingar úr umhverfinu
Tjá sig fyrir framan aðra
Athöfnum daglegs lífs
Taka þátt í umræðum
Virða skoðanir annarra
Nemandi skal geta hagnýtt þá almennu þekkingu og leikni sem hann hefur aflað sér til að:
Nýta styrkleika sína á jákvæðan og uppbyggilegan hátt
Nýta sér læsi í víðu samhengi
Hlusta á sjónarmið annarra af víðsýni
Tjá eigin skoðanir
Lesa í umhverfi, samskipti, tilfinningar og reglur í þeim tilgangi að átta sig á hvað er viðeigandi hverju sinni
Námsmatið er einstaklingsmiðað, s.s. leiðsagnarmat, jafningjamat, verkefnaskil, virkni í kennslustundum, mæting, sjálfsmat, ástundun og lokapróf. Regluleg endurgjöf er frá kennara á vinnuframlag nemenda og verkefnaskil.