Í áfanganum læra nemendur að safna saman upplýsingum, koma þeim saman í ritað mál og útbúa skólablað til birtingar. Nemendur semja greinar, taka viðtöl, taka myndir, taka saman upplýsingar og setja fram í grein og setja upp blað. Lögð er áhersla á þætti eins og val á umfjöllunarefni, efnistök, málfar, stíl og uppbyggingu texta.
Engar
Nemandi skal hafa öðlast þekkingu og skilning á:
mikilvægi þess að setja upplýsingar fram á skýran og greinagóðan hátt
fjölbreyttum aðferðum til að koma efni frá sér á prenti
úrvinnslu ganga og uppsetningu efnis
Nemandi skal hafa öðlast leikni í að:
taka saman upplýsingar t.d. myndir og texta og koma á greinagott form
meta málfar, stíl, uppbyggingu og efnistök í eigin texta
meta eigin texta og annarra á gagnrýninn hátt
Nemandi skal geta hagnýtt þá almennu þekkingu og leikni sem hann hefur aflað sér til að:
vinna úr upplýsingum sem hann safnar og útbúa grein til birtingar
safna sama upplýsingum með ólíkum hætti, t.d. með viðtölum
setja fram efni á skýran hátt
Í áfanganum er viðhaft leiðsagnarmat með símati, nemendur þurfa að standast mætingarkröfur áfangans.