Áfanginn samanstendur af verklegri kennslu í tennis, brimbrettareið, sjóbjörgun með björgunarsveit, kajak, boltaíþróttum, golfi og sundi. Nemendur þurfa að velja sér 6 þætti til að kynna sér. Í áfanganum er lögð áhersla á fjölbreytta hreyfingu og fræðslu um það sem ber að hafa í huga við ástundun þessara greina og hvaða útbúnað þarf.
Engar
Nemandi skal hafa öðlast þekkingu og skilning á:
mikilvægi hreyfingar fyrir heilsuna
fjölbreyttum möguleikum til hreyfingar
búnaði sem þarf að hafa til að stunda ýmisskonar hreyfingu
Nemandi skal hafa öðlast leikni í að:
iðka fjölbreyttar íþróttir
klæða sig eftir veðri og aðstæðum
stunda mismunandi hreyfingu
þekkja takmörk sín í hreyfingu
Nemandi skal geta hagnýtt þá almennu þekkingu og leikni sem hann hefur aflað sér til að:
stunda mismundi íþróttir og hreyfiform
nýta sér mismunandi aðstæður til líkamsræktar og heilbrigðra lífshátta
gera sér grein fyrir mikilvægi hreyfingar fyrir heilsuna
Í áfanganum eru engin skrifleg verkefni heldur þurfa nemendur að uppfylla mætingarskilyrði hans og taka virkan þátt í greinunum.