Áfanginn samanstendur af verklegri kennslu, nemendur fara á gönguskíð, svigskíðum, fjallgöngu og annarri útiveru. Í áfanganum er lögð áhersla á fjölbreytta hreyfingu og fræðslu um þætti sem íþróttamenn þurfa að hafa í huga þegar þeir stunda vetraríþróttir.
Farið verður á gönguskíði, hugað verður að nauðsynlegum undirbúningi gönguskíðaferða, s.s. næringarþörf og snjóflóðahættu og græjurnar prófaðar í stuttri göngu. Daginn eftir verður farin lengri ferð út í óbyggðir þar sem reynir á kunnáttuna.
Farið verður á skíðasvæði þar sem þjálfarateymi sér um að nemendur komist þangað sem þeir vilja í fjallinu, hvort sem markmiðin eru einfaldlega að læra á skíði, undirstöðuatriði eins og að beygja og stoppa, eða að bæta stílinn, læra að kenna á skíði eða að læra carving skíðun.
Engar
Nemandi skal hafa öðlast þekkingu og skilning á:
mikilvægi hreyfingar fyrir heilsuna
næringarþörf í bæði styttri og lengri skíðaferðum
hvernig á að meta snjóflóðahættu og forðast hættulegar aðstæður
fjölbreyttum möguleikum til að stunda skíðaíþróttir
þeim búnaði sem þörf er á við mismunandi aðstæður
Nemandi skal hafa öðlast leikni í að:
undirbúa og framkvæma gönguskíðaferðir
nesta sig fyrir ferðir
greina snjóflóðahættu og forðast að lenda í þeim aðstæðum
iðka fjölbreyttar skíðagreinar
klæða sig eftir veðri og aðstæðum
þekkja takmörk sín í mismunandi veðri
Nemandi skal geta hagnýtt þá almennu þekkingu og leikni sem hann hefur aflað sér til að:
stunda mismunandi skíðagreinar
geta nýtt sér vetraraðstæður til líkamsræktar og heilbrigðra lífshátta
gera sér grein fyrir þeim hættum sem stafa að þeim í ferðum og forðast þær
nesta sig fyrir ferðir miðað við næringarþörf
velja sér búnað við hæfi eftir mismunandi skíðagreinum
Í áfanganum eru engin skrifleg verkefni heldur þurfa nemendur að uppfylla mætingarskilyrði hans og taka virkan þátt.