Í þessum áfanga er hugmyndasagan rakin frá heimspeki fornaldar til upplýsingar á nýöld. Helstu viðfangsefni áfangans eru heimspekisaga: einkum þekkingarfræði, rökfræði, trúfræði, siðfræði og stjórnmálafræði; og vísindasaga þar sem megináherslan er á fornöld og síðan endurreisn og vísindabyltingu.
SAGA2YS05(21)
Nemandi skal hafa öðlast þekkingu og skilning á:
sögu heimspekinnar á fornöld, helstu hugmynda, kenninga og spekinga
þróun kristinnar trúar og áhrifum hennar allt fram á nýöld
sögu vísindanna, allt frá glæstum afrekum á fornöld til vísindabyltingar árnýaldar
Nemandi skal hafa öðlast leikni í að:
meta tengsl á milli hugmynda manna um umheiminn, trúarbragða og stjórnarfars á hverjum tíma
beita hugtökum um fyrirbæri sögunnar og geri sér grein fyrir gagnsemi þeirra og takmörkunum
koma frá sér sögulegum texta á skýran hátt
beita gagnrýninni hugsun
Nemandi skal geta hagnýtt þá almennu þekkingu og leikni sem hann hefur aflað sér til að:
koma söguþekkingu sinni og söguskilningi á framfæri með fjölbreyttum hætti ...sem er metið með... verkefnum, kynningu, ritgerð, rökræðum
sýna umburðarlyndi og víðsýni gagnvart sögulegum viðfangsefnum ...sem er metið með... verkefnum, kynningu rökræðum
gera sér grein fyrir tengslum hugmynda og þess samfélags sem þær verða til í ...sem er metið með... verkefnum, rökræðum, prófum
átta sig á sameiginlegu upphafi ólíka greina s. s. heimspeki og eðlisfræði ...sem er metið með... verkefnum, kynningu, prófum
Námsmat er leiðsagnamiðað og byggir á verkefnum af ýmsu tagi, kynningu, ritgerð og prófum