Valdir þættir úr sögu 19. og einkum 20. aldar verða teknir til íhugunar og gagnrýnnar skoðunar. Einkum verður fjallað um mannkynssöguna en aðstæður á Íslandi verða einnig skoðaðar í ljósi atburða í öðrum löndum. Hér er ekki um hefðbundna yfirlitssögu að ræða heldur verður leitast við að kafa dýpra í valið efni. Þeir þættir sem verða meginviðfangsefni áfangans eru: Nýlendutíminn og fyrri heimsstyrjöldin, millistríðsárin, kalda stríðið og atburðir líðandi stundar.
SAGA2YS05(21)
Nemandi skal hafa öðlast þekkingu og skilning á:
nýlendu- og heimsvaldastefnu stórveldanna á seinni hluta 19. aldar
gangi fyrri heimsstyrjaldarinnar, aðdraganda hennar og eftirmálum
pólitískum straumum og stefnum á millistríðsárunum, s. s. kommúnisma og nasisma
upphafi og þróun kalda stríðsins og helstu stríðsátökum sem þá geisuðu
málefnum sem eru í umræðunni á líðandi stund og geta greint sögulegar rætur þess og ferli
helstu venjum og reglum við smíði heimildaritgerðar
Nemandi skal hafa öðlast leikni í að:
greina tengsl 20. aldar við samtímann
leita sér sögulegra upplýsinga með margvíslegum hætti
meta gildi og áreiðanleika heimilda og nýta sér fjölbreyttar tegundir þeirra
koma frá sér sögulegum texta á skýran hátt
rita heimildaritgerð út frá helstu reglum og hefðum
meta liðna tíma á víðsýnan og umburðarlyndan máta
Nemandi skal geta hagnýtt þá almennu þekkingu og leikni sem hann hefur aflað sér til að:
koma söguþekkingu sinni og söguskilningi á framfæri með fjölbreyttum hætti ...sem er metið með... verkefnum, ritgerð, kynningu, prófum
sýna umburðarlyndi og víðsýni gagnvart sögulegum viðfangsefnum ...sem er metið með... ritgerð, kynningu, prófum
greina atburði samtímans út frá sögulegri þróun síðustu áratuga ...sem er metið með... verkefnum, ritgerð, prófum
Námsmat er leiðsagnarmiðað og byggist á verkefnum af ýmsu tagi, ritgerð, kynningu, prófum