Nemendur taka þátt í verkefninu Solar Parcel sem er langtíma verkefni á vegum Listhúss í Fjallabyggð og hægt að lesa um það á vef Listhússins (listhus.com).
Verkefnið Solar Parcel er langtímaverkefni og taka nemendur þátt í því að koma því af stað hér á Íslandi, þeir fræðast um heildarverkefnið, samvinnuna milli Íslands og Hong Kong og sýningarnar sem haldnar verða í báðum löndunum.
Nemendur læra að búa til "pinhole" myndavélar og velta fyrir sér hvar sé best að setja þær upp og hversu langan tíma þær þurfi að vera uppi við til að fanga góða mynd.
Engar
Nemandi skal hafa öðlast þekkingu og skilning á:
verkefninu Solar Parcel og hugmyndinni bak við það
samvinnu listamanna þvert yfir heiminn
'pinhole' myndavélum og vinnslu myndanna
hvernig myndirnar verða til og hversu langan tíma það tekur
Nemandi skal hafa öðlast leikni í að:
búa til 'pinhole' myndavélar
Nemandi skal geta hagnýtt þá almennu þekkingu og leikni sem hann hefur aflað sér til að:
taka þátt í því að koma verkefninu Solar Parcel af stað með því að búa til 'pinhole' myndavél og koma henni fyrir á góðum stað
Í áfanganum er viðhaft leiðsagnarmat með símati, nemendur þurfa að standast mætingarkröfur áfangans.