Viðfangsefni áfangans eru kraft- og þolþjálfun auk þess sem nemendur kynnast nokkrum greinum frjálsra íþrótta s.s. kúluvarpi, hástökki, sprett- og langhlaupum. Áhersla er lögð á að kynnast íþróttunum í gegnum leik. Nemendur stunda tvær æfingar á viku undir handleiðslu kennara.
Engar
Nemandi skal hafa öðlast þekkingu og skilning á:
mikilvægi góðrar og vel uppsettrar upphitunar sem hluti af æfingu
hvernig hægt er að bæta kraft og þol með skipulögðum æfingum
hinni fjölbreyttu hreyfingu sem frjálsar íþróttir bjóða uppá
grunnreglum nokkurra greina frjálsra íþrótta
grunntækniatriðum íþróttagreinanna við það að iðka þær
Nemandi skal hafa öðlast leikni í að:
framkvæma góða og skipulagða upphitun til undirbúnings fyrir æfingu
útfæra og framkvæma grunntækniatriði nokkurra frjálsíþróttagreina
Nemandi skal geta hagnýtt þá almennu þekkingu og leikni sem hann hefur aflað sér til að:
meta mikilvægi þess að finna sér hreyfingu sem viðkomandi hefur áhuga á
halda sér í góðu líkamlegu formi
Í áfanganum eru engin verkefnaskil heldur þurfa nemendur að standast mætingarkröfur áfangans. Áfanginn er metinn út frá mætingu, virkni og jákvæðni.